નવી દિલ્લીઃ તમારી એક એક હરકતો પર રાખવામાં આવી રહી છે નજર...તમે ક્યાં જાણો છો, કેટલાં વાગે જાઓ છો, કઈ કઈ જગ્યા પર કેટલીવાર રોકાયા, કઈ જગ્યા પર તમે પહેલાં પણ આવેલાં છો...આ બધી જ ગતિવિધિનો, અલબત્ત એક એક મિનિટનો હિસાબ રાખે છે એક જાસૂસ! એક એવો જાસૂસ જે જાણે છે તમારા બધા સીક્રેટ. જાણો આ જાસૂસથી કઈ રીતે બચી શકાય છે. આજના સમયમાં સ્માર્ટફોનનો ઉપયોગ કરવો જેટલો ફાયદાકારક છે તેટલો જ ખતરનાક પણ છે. હેકિંગ અને સાયબર ચોરી એ ટેક્નોલોજી-સંબંધિત મુશ્કેલીના સૌથી મોટા મુદ્દાઓ પૈકી એક છે અને તેને ટાળવું મુશ્કેલ કાર્ય છે.
તમારે જાણવું જ જોઇએ કે આજે તમારા સ્માર્ટફોન હેકર્સ માટે ડેટા ચોરી કરવાનું સૌથી સરળ લક્ષ્ય છે. આજે અમે તમને વિગતવાર જણાવીશું કે કેટલી ગૂગલ એપ્સ તમારી જાસૂસી કરી રહી છે, જે ખૂબ જ ખતરનાક સાબિત થઈ શકે છે. ખાસ કરીને પ્રેમી-પ્રેમીકા માટે આ જાસૂસ છે સૌથી ખતરનાક. ગાર્ડનથી લઈને હોટેલના રૂમ સુધીની આ જાસૂસ પાસે આવી જાય છે બધી જ માહિતી. તેથી તેનાથી બચવું મુશ્કેલ જ નહીં પણ એક પ્રકારે ના મૂમકીન બની જાય છે. છતાં પણ અહીં કેટલીક ટિપ્સ છે જેનાથી તમે પોતાના બચાવનો પ્રયાસ કરી શકો છો.
ગૂગલ આ રીતે તમારી જાસૂસી કરી રહ્યું છે-
કદાચ તમે નહિ જાણતા હોવ, જો તમે સર્ચ અને મેપ્સ જેવી ગૂગલની સુવિધાઓનો ઉપયોગ કરો છો, તો તમને જણાવી દઈએ કે આ એપ્સ થકી ગૂગલ તમારો તમામ ડેટા સેવ કરી રહ્યું છે. ગૂગલ આ એપ્સ થકી તમારો લોકેશન ડેટા સેવ કરે છે અને આ કામ માટે તે તમારા સ્માર્ટફોનના જીપીએસ સિસ્ટમની મદદ લે છે.
ગૂગલની આ કાર્યવાહીથી શું થશે-
Google તમારા સ્થાન સંબંધિત ડેટાને સાચવીને તેની જાહેરાતોને સુધારવાનો પ્રયાસ કરે છે. તમને જણાવી દઈએ કે ગૂગલની આ જાસૂસીથી દુનિયાભરમાં ગૂગલના એન્ડ્રોઈડ ઓએસનો ઉપયોગ કરતા બે અબજથી વધુ યુઝર્સ પ્રભાવિત થયા છે. તમને જણાવી દઈએ કે ગૂગલના આ પગલાથી ઘણા iPhone યુઝર્સ પણ પરેશાન છે, જેઓ મેપ અને સર્ચ માટે ગૂગલ પર આધાર રાખે છે.
આ રીતે ગૂગલનું લોકેશન ટ્રેકિંગ બંધ કરો-
જો કે ગૂગલ હંમેશા તમને ટ્રેક કરતા પહેલા તમારી પરવાનગી લે છે અને તે પછી પણ આગળ વધે છે, પરંતુ જો તમે ઇચ્છો તો તમે ગૂગલના આ લોકેશન ટ્રેકિંગને બંધ કરી શકો છો. આ કરવા માટે, તમારે પહેલા તમારા સ્માર્ટફોન બ્રાઉઝર પર જવું પડશે, google.com ખોલો, ઉપર જમણી બાજુના આઇકોન પર ક્લિક કરો, તમારા Google એકાઉન્ટમાં લોગ-ઇન કરો અને પછી 'મેનેજ તમારું Google એકાઉન્ટ' પર ક્લિક કરો. આ વિકલ્પ પસંદ કર્યા પછી, 'ગોપનીયતા અને વ્યક્તિગતકરણ' પર જાઓ, 'મેનેજ તમારો ડેટા અને ગોપનીયતા' પર ક્લિક કરો, 'પ્રવૃત્તિ નિયંત્રણ' પસંદ કરો અને 'તમારી પ્રવૃત્તિ નિયંત્રણનું સંચાલન કરો'. અહીં તમે 'વેબ અને એક્ટિવિટી' જોશો જેને તમારે ઓનથી બંધ કરવાની રહેશે.
આ રીતે તમે તમારા Google ના ટ્રેકિંગ ફીચરને બંધ કરીને આ જાસૂસીથી બચી શકશો. પરંતુ અમે તમને જણાવી દઈએ કે આ ફીચરને સિલેક્ટ કરવાથી તમને Googleની એપ્સ અને સેવાઓ પર એટલા પર્સનલાઇઝ્ડ સૂચનો નહીં મળે જેટલા તમને અત્યાર સુધી મળતા હતા.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે