ભૂલથી પણ ડાઉનલોડ ના કરતા Spider-Manની નવી ફિલ્મ, નહીં તો એક ઝાટકે ખાલી થઈ જશે બેંક એકાઉન્ટ

સ્પાઈડર મેનના નામે થઈ રહી છે છેતરપિંડી 
સાયબર સુરક્ષા સંશોધકોએ શુક્રવારે લોકોને ચેતવણી આપી હતી કે નવી ફિલ્મ 'સ્પાઈડર મેનઃ નો વે હોમ' પર આધારિત ફિશિંગ લિંક્સના માધ્યમથી લોકોને છેતરી રહ્યા છે અને તેમના બેંક વિગતોની ચોરી કરી રહ્યા છે. Kaspersky સંશોધકોએ ફિલ્મના પ્રીમિયર પહેલા છેતરપિંડી કરનારાઓની ગતિવિધિઓને વધુ તીવ્ર બનાવી અને દર્શકોની બેંક વિગતો ચોરવા માટે ફિશિંગ વેબસાઇટ્સની મદદ લીધી.

આ રીતે કરે છે છેતરપિંડી 
પ્રીમિયર પહેલાં નવી સુપરહીરો ફિલ્મ જોવા માટે લોકોને નોંધણી કરવા અને તેમના ક્રેડિટ કાર્ડની માહિતી દાખલ કરવા માટે કહેવામાં આવ્યું હતું. આ પછી તેમના કાર્ડમાંથી પૈસા ડેબિટ થઈ ગયા અને સાયબર ગુનેગારોએ પેમેન્ટ લીધા પછી પણ ફિલ્મ જોવાની તક મળી નહીં.

દર્શકોના ઉત્સાહનો ઉઠાવી રહ્યા છે ફાયદો
સાયબર-સિક્યોરિટી નિષ્ણાતોએ જણાવ્યું હતું કે સ્પાઈડર મેન ફિલ્મોને લઈને દર્શકોમાં ઘણો ઉત્સાહ છે, જેનો લાભ સાઈબર અપરાધીઓ ઉઠાવી રહ્યા છે. Spider-Man: No Way Home કોઈ અપવાદ નથી, લોકો તેમના મનપસંદ સ્ટાર્સની ફિલ્મો ઝડપથી જોવા માંગે છે. આ સાયબર અપરાધીઓ દ્વારા ફિશીંગમાં વધુ વધારો કરે છે.

સુપરહીરોની ફિલ્મોને લઈને રહે છે ક્રેઝ 
રિપોર્ટમાં કહેવામાં આવ્યું છે કે, 'નો વે હોમ' વિશે ઇન્ટરનેટ પર ઘણી અટકળો અને અફવાઓ ચાલી રહી છે. અનુમાન લગાવવામાં આવી રહ્યું છે કે આ ફિલ્મમાં પાછલી સ્પાઈડર ફિલ્મોના હીરો Tobey Maguire અને Andrew Garfield ની વાપસી થઈ રહી છે. જો કે આના કોઈ નક્કર પુરાવા નથી, પરંતુ ચાહકોએ તેમની પોતાની થિયરી બનાવી છે.

ફિલ્મોના ચાહકો આર્ટનો લે છે સહારો
અહેવાલ જણાવે છે કે 'સાયબર ઠગ્સ ફિશિંગ પૃષ્ઠોમાં રસ વધારવા માટે ફિલ્મના સત્તાવાર પોસ્ટરોનો ઉપયોગ કરતા નથી, પરંતુ લોકોને ગેરમાર્ગે દોરવા માટે Spider Man ફિલ્મોના ચાહક ઓર્ટનો સહારો લે છે.

લોકોને ફિલ્મો ડાઉનલોડ ન કરવાની સલાહ આપવામાં આવી
Kaspersky એ લોકોને સલાહ આપી છે કે આવી વેબસાઇટ્સ પરથી મૂવી ડાઉનલોડ ન કરો, કારણ કે લોકોને આ લિંક્સ પર અન્ય ઘણા અનિચ્છનીય પ્રોગ્રામ ડાઉનલોડ કરવાનું કહેવામાં આવે છે. જેમાં એડવેર અને ટ્રોજન વાયરસનો પણ સમાવેશ થાય છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube