Pitch Report Weather Forecast ODI World Cup 2023 : ભારત અને બાંગ્લાદેશની ટીમો વર્લ્ડ કપ 2023માં એકબીજાનો સામનો કરવા માટે તૈયાર છે. આ બંને ટીમો પુણેમાં મેચ રમશે. પુણેમાં વર્લ્ડ કપ 2023ની આ પ્રથમ મેચ હશે. અહીં ભારતનો રેકોર્ડ સારો રહ્યો છે. વિરાટ કોહલીએ અહીં બે સદી ફટકારી છે. જો હવામાનની વાત કરીએ તો તે ક્રિકેટરોની સાથે ચાહકો માટે પણ સારું રહેશે. મેચ દરમિયાન વરસાદની કોઈ શક્યતા નથી.
ભારત અને બાંગ્લાદેશ વચ્ચેની મેચ બપોરે 2 વાગ્યે શરૂ થશે. આ પહેલાં પુણેમાં હળવા વાદળો છવાયેલા રહેશે. હવામાન ખુશનુમા રહેશે. પરંતુ વરસાદની કોઈ શક્યતા નથી. આ સાથે, મેચ યોગ્ય સમયે શરૂ થશે અને વચ્ચે કોઈ વિક્ષેપ નહીં આવે. આકાશમાં વાદળોને કારણે ગરમી નહીં રહે. તેનાથી ખેલાડીઓને રમવામાં સરળતા રહેશે.
જો આપણે મહારાષ્ટ્ર ક્રિકેટ એસોસિએશન ઓફ પુણેની પીચની વાત કરીએ તો તે બેટ્સમેનો માટે ફાયદાકારક સાબિત થઈ શકે છે. અહીં કુલ સ્કોર ઘણી વખત 300 રનને પાર કરી ગયો છે. રસપ્રદ વાત એ છે કે અહીં ભારતીય બેટ્સમેનોનો રેકોર્ડ સારો છે. વિરાટ કોહલી અને કેએલ રાહુલે સદી ફટકારી છે. ટીમ ઈન્ડિયા રવિચંદ્રન અશ્વિનને પ્લેઈંગ ઈલેવનમાંથી બહાર રાખીને શાર્દુલ ઠાકુરને તક આપી શકે છે.
જો ભારતની પ્લેઈંગ ઈલેવનની વાત કરીએ તો શુભમન ગિલ રોહિત શર્મા સાથે ઓપનિંગ કરી શકે છે. શ્રેયસ અય્યર અને કેએલ રાહુલને પણ સ્થાન મળી શકે છે. બાંગ્લાદેશનો કેપ્ટન શાકિબ અલ હસન આ મેચમાં રમી શકે છે. ટીમ લિટન દાસની સાથે તંજીદ તમીમને ઓપનિંગ કરવાની તક આપી શકે છે.
ભારત-બાંગ્લાદેશ મેચ માટે સંભવિત ખેલાડીઓ -
ભારત: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, રવિન્દ્ર જાડેજા, શાર્દુલ ઠાકુર, કુલદીપ યાદવ, જસપ્રિત બુમરાહ, મોહમ્મદ સિરાજ.
બાંગ્લાદેશ: લિટન દાસ, તંજીદ તમીમ, મેહદી હસન મિરાજ, નઝમુલ હુસૈન શાંતો, શાકિબ અલ હસન (કેપ્ટન), મુશફિકુર રહીમ (વિકેટકીપર), તૌહીદ હૃદોય, મહમુદુલ્લાહ, તસ્કીન અહેમદ, મુસ્તફિઝુર રહેમાન, શોરફુલ ઈસ્લામ.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે