મહિલા ટી-20 રેન્કિંગઃ વિશ્વકપમાં હાર બાદ હરમનપ્રીત ટોપ-5માં, પૂનમ યાદવ બીજા સ્થાને યથાવત

હરમનપ્રીત ટૂર્નામેન્ટમાં વિશ્વ ચેમ્પિયન ઓસ્ટ્રેલિયાની ઓપનિંગ બેટ્સમેન એલીસા હિલી બાદ સર્વાધિક રન બનાવનાર બીજી ખેલાડી હતી. તેણે ન્યૂઝીલેન્ડ વિરુદ્ધ સદીની મદદથી ટૂર્નામેન્ટમાં કુલ 183 રન બનાવ્યા હતા. 

જેમિમા રોડ્રિગ્જ  નવ સ્થાન ઉપર આવીને કરિયરની સર્વશ્રેષ્ઠ છઠ્ઠા રેન્કિંગ પર જ્યારે સ્મૃતિ 10માં સ્થાને પહોંચી ગઈ છે. મિતાલી રાજને બે સ્થાનનું નુકસાન થયું છે અને તે નવમાં સ્થાને પહોંચી ગઈ છે. 

INDvsAUS: ભારત અને ઓસ્ટ્રેલિયા વચ્ચે અત્યાર સુધી જોવા મળેલા પાંચ સૌથી મોટા વિવાદ

બેટ્સમેનોમાં છે આ સ્થિતિ
ન્યૂઝીલેન્ડની સુજી બેટ્સ 694 પોઈન્ટની સાથે પ્રથમ અને વેસ્ટ ઈન્ડિઝની સ્ટેફની ટેલર 654 પોઈન્ટની સાથે બીજા સ્થાને છે. અન્ય બેટ્સમેનોમાં વિશ્વકપમાં 225 રન બનાવનાર ઓસ્ટ્રેલિયાની હિલી ચાર સ્થાન ઉપર આવીને આઠમાં સ્થાને પહોંચી ગઈ છે. પાકિસ્તાનને ઝવેરિયા ખાન સાત સ્થાનની છલાંગ સાથે 14માં અને આયર્લેન્ડની ક્લેર શિલિંગટન 19માં સ્થાને પહોંચી ગઈ છે. 

બોલરોના રેન્કિંગમાં પૂનમ યાદવ 662 પોઈન્ટની સાથે બીજા સ્થાને છે. ઓસ્ટ્રેલિયાની મેગન શટ હજુપણ પ્રથમ સ્થાને યથાવત છે. ન્યૂઝીલેન્ડની લેહ કાસ્પેરેક સાત સ્થાનોની છલાંગ સાથે ત્રીજા, ઈંગ્લેન્ડની સોફી એસ્લેસ્ટોન 12 સ્થાનની છલાંગ સાથે ચોથા અને ઓસ્ટ્રેલિયાની એલીસા પેરી ચાર સ્થાન ઉપર આવીને પાંચમાં સ્થાને પહોંચી ગઈ છે. ભારતની અનુજા પાટિલને છ સ્થાનનું નુકસાન થયું છે, હવે તે 20માં સ્થાને આવી ગઈ છે. 

ક્રિકેટઃ 1947માં આજે ભારત ઓસ્ટ્રેલિયા વચ્ચે ખેલાયો હતો પ્રથમ જંગ

ઓલરાઉન્ડરોની યાદીમાં એકપણ ભારતીય નહીં
ઓલરાઉન્ડ ખેલાડીઓના રેન્કિગંમાં ટોપ-5માં એકપણ ભારતીય ખેલાડી નથી. ટીમ રેન્કિંગમાં વેસ્ટ ઈન્ડિઝમાં ટી20 વિશ્વકપ જીતનાર ઓસ્ટ્રેલિયા 283 પોઈન્ટની સાથે પ્રથમ સ્થાને છે. આ સિવાય ઈંગ્લેન્ડ બીજા, ન્યૂઝીલેન્ડ ત્રીજા, વેસ્ટ ઈન્ડિઝ ચોથા અને ભારત 256 પોઈન્ટની સાથે પાંચમાં નંબર પર છે. ટીમ રેન્કિંગમાં ઈંગ્લેન્ડે ન્યૂઝીલેન્ડને બીજા સ્થાનેથી હટાવી દીધું છે.