પંતે મોહાલીમાં કરી ત્રણ ભૂલ, દર્શકોને યાદ આવ્યો ધોની

પંતે પ્રથમ મોટી ભૂલ ચહલના બોલ પર ખતરનાક ટર્નરનું આસાન સ્ટમ્પિંગને મિસ કરીને કરી. પરંતુ તેને ભૂલ ઓછી બ્લંડર વધુ કહીશું. પંતની આ ભૂલ કેટલી મોટી હતી તેનો અંદાજ ફુટેજમાં કેપ્ટન કોહલીના ચહેરા પર પણ જોઈ શકાય છે. પંતે બીજી ભૂલ પણ ચહલના બોલ પર કરી જ્યારે તેણે ધોની સ્ટાઇલમાં બેટ્સમેનને સ્ટમ્પ આઉટ કરવાનો પ્રયત્ન કર્યો. પરંતુ ધોનીની જેમ કરવું આસાન નથી. આ જોઈને વિરાટ વધુ ગુસ્સે થયો હતો. પંતની ત્રીજી ભૂલ ખોટા DRSને લઈને હતી. જેમાં તેણે આત્મવિશ્વાસ સાથે ડીઆરએસ માટે ઈશારો કર્યો કેપ્ટન કોહલીએ પણ તેના નિર્ણય સાથે જવું પડ્યું હતું. પરંતુ પરિણામ આવ્યું શૂન્ય. હવે તો વિરાટનો ગુસ્સો સાતમાં આસમાન પર હતો. 

India vs Australia: DRSથી ફરી નારાજ થયો કેપ્ટન કોહલી 

ચહલની બોલિંગ પર તમામ ભૂલ
કમાલની વાત છે કે પંતે ત્રણેય ભૂલ પોતાની કીપિંગ દરમિયાન ચહલની બોલિંગ દરમિયાન કરી હતી. ચહલે ત્રણ તક બનાવી પરંતુ તેનો ફાયદો ન થયો. પરિણામે ચહલ મેચમાં મોંઘો સાબિત થયો અને તેને એકપણ સફળતા ન મળી. 

INDvsAUS: 143 રન ફટકારનાર ધવન બોલ્યો, ટીકાઓનો ખ્યાલ નથી, મારી દુનિયામાં જીવું છું

ધોની હોવાના બે ફાયદા
ટીમ ઈન્ડિયામાં ધોનીની હાજરી કેમ જરૂર છે હવે તે સમજો. એક તો તે હોય ત્યારે વિરાટને ડીઆરએસ લેવામાં કોઈ મુશ્કેલી થતી નથી અને બીજુ કુલદીપ અને ચહલને વિકેટ લેવાનું કામ સરળ થઈ જાય છે.