BCCI ની ફરી થઇ ફજેતી, કપડાં પ્રેસ કરવાની ઇસ્ત્રી વડે પિચ સુકવતાં જોવા મળ્યા કર્મચારીઓ

આ ફોટો કાનપુરના કમલા ક્લબ ક્રિકેટ ગ્રાઉન્ડનો છે. આ તે જ મેદાન છે, જેને સંપૂર્ણપણે ફિટ ગણાવીને ગ્રીનપાર્ક સાથે મેચ શિફ્ટ કરવામાં આવી હતી. આ મેદાન પર ઉત્તર પ્રદેશ (Uttar Pradesh) અને દિલ્હીના કૂચ બિહાર ટ્રોફીની મેચ ચાલી રહી છે. શનિવારે મેચ પહેલાં સવારે જ ગ્રાઉન્ડ્સમેન પિચને ઇસ્ત્રી વડે સુકવતા રહ્યા. મેદાનના કેટલાક કર્મચારી રેતી વડે ઢાંકડા રહ્યા.  

બીસીસીઆઇ પાસે દર વર્ષે 25 થી 30 કરોડ સંસાધનો માટે મળ્યા હોવાછતાં યૂપીસીએના આ ગ્રાઉન્ડમાં વરસાદના લીધે લીલા મેદાનને સુકવવા માટે કાનપુરના ઇતિહાસમાં પહેલીવાર ઇસ્ત્રી વડે પિચ સુકવવાનો પ્રયત્ન કરવામાં આવ્યો. તેનો પ્રયોગ ક્રિકેટના શરૂઆતી દિવસોમાં થતો હતો અજ્યારે વધુ સંસાધનો ન હતા. હવે તો બીસીસીઆઇએ યૂપીસીએને સુપર સોપર, ડ્રાયર, એર બ્લોઅર, કટ ગ્રાસ, સવા ડસ્ટ જેવી વસ્તુઓ આપી છે. તેમછતાં આ નજારો હેરાન કરી દેનાર છે. 
 
આ પહેલાં ભારતીય ક્રિકેટ બોર્ડ (બીસીસીઆઇ)ને રાજકોટ વનડે મેચ સાથે જોડાયેલા વીડિયોના કારણે ટ્રોલ થવું પડ્યું હતું. આ વીડિયોમાં કેટલીક મહિલાઓ મેચ પહેલાં બ્રશ વડે પિચ સાફ કરતી જોવા મળી હતી. આ વીડિયો ક્રિકેટ ઓસ્ટ્રેલિયા (Cricket Australia)એ ટ્વિટ કર્યો હતો. આ વીડિયો જોયા બાદ પ્રશંસકોએ બીસીસીઆઇ અને બોર્ડ અધ્યક્ષ સૌરવ ગાંગુલીને નિશાન બનાવ્યા હતા.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube