IND vs WI, 2nd Test: ટીમ ઈન્ડિયાના બેટ્સમેન વિરાટ કોહલીએ પોર્ટ ઓફ સ્પેનમાં વેસ્ટ ઈન્ડિઝ વિરુદ્ધ રમાઈ રહેલી બીજી ટેસ્ટ મેચના પહેલા દિવસે એક મોટો રેકોર્ડ બનાવ્યો છે. દિગ્ગજ બેટ્સમેન સચિન તેંડુલકર બાદ વિરાટ કોહલી આવું કરનાર બીજો ભારતીય ક્રિકેટર છે. જણાવી દઈએ કે બીજી ટેસ્ટ મેચના પહેલા દિવસના અંત સુધી વિરાટ કોહલી 87 રન પર અને રવિન્દ્ર જાડેજા 36 રન બનાવીને રમતમાં હતા. વેસ્ટ ઈન્ડિઝ સામેની બીજી ટેસ્ટ મેચના પહેલા જ દિવસે ટીમ ઈન્ડિયાએ પોતાનો દબદબો બનાવી લીધો છે. પ્રથમ દિવસની રમતના અંત સુધીમાં ટીમ ઈન્ડિયાનો સ્કોર 4 વિકેટે 288 રન હતો.
વિરાટ કોહલીએ બનાવ્યો શાનદાર રેકોર્ડ
વિરાટ કોહલીએ પોર્ટ ઓફ સ્પેનમાં વેસ્ટ ઈન્ડિઝ સામેની બીજી ટેસ્ટ મેચમાં 39 રન બનાવતાની સાથે જ આંતરરાષ્ટ્રીય ક્રિકેટમાં પોતાના 25,500 રન પૂરા કરી લીધા છે. મહાન બેટ્સમેન સચિન તેંડુલકર બાદ વિરાટ કોહલી આ મહાન રેકોર્ડ બનાવનાર ભારતનો બીજો બેટ્સમેન છે. સચિન તેંડુલકર અને વિરાટ કોહલી સિવાય કોઈ પણ ભારતીય બેટ્સમેન આંતરરાષ્ટ્રીય ક્રિકેટમાં 25,500 રન પૂરા કરી શક્યો નથી. રાહુલ દ્રવિડ જેવો મહાન બેટ્સમેન પણ પોતાની આખી આંતરરાષ્ટ્રીય ક્રિકેટ કારકિર્દીમાં આ મહાન રેકોર્ડ બનાવી શક્યો નથી.
Virat Kohli's Cover Drive - The Best view in World Cricket.
The King Kohli!! pic.twitter.com/83OfAcNkBM
— CricketMAN2 (@ImTanujSingh) July 20, 2023
મહાન બેટ્સમેનોની લિસ્ટમાં પ્રમોશન
હાલમાં વિરાટ કોહલીના નામે આંતરરાષ્ટ્રીય ક્રિકેટમાં 25,548 રનનો રેકોર્ડ છે. આ આંકડો હજુ પણ વધી શકે છે, કારણ કે વિરાટ કોહલી વેસ્ટ ઈન્ડિઝ સામેની બીજી ટેસ્ટ મેચમાં 87 રનના સ્કોર પર હજુ પણ નાબાદ છે. આવી સ્થિતિમાં વિરાટ કોહલીની નજર ટેસ્ટ મેચના બીજા દિવસે બેવડી સદી પર રહેશે. આંતરરાષ્ટ્રીય ક્રિકેટમાં સૌથી વધુ રન બનાવનાર બેટ્સમેનોની યાદીમાં વિરાટ કોહલી હવે પાંચમા નંબરે આવી ગયો છે. આ યાદીમાં વિરાટ કોહલીથી આગળ શ્રીલંકાના પૂર્વ બેટ્સમેન મહેલા જયવર્દને, ઓસ્ટ્રેલિયાના પૂર્વ કેપ્ટન રિકી પોન્ટિંગ, શ્રીલંકાના દિગ્ગજ કુમાર સંગાકારા અને ભારતના મહાન બેટ્સમેન સચિન તેંડુલકર આવે છે.
સચિન પછી આ કમાલ કરનાર બીજા ભારતીય
જણાવી દઈએ કે સચિન તેંડુલકરે અત્યાર સુધી આંતરરાષ્ટ્રીય ક્રિકેટમાં સૌથી વધુ 34,357 રન બનાવ્યા છે. રાહુલ દ્રવિડ જેવો મહાન બેટ્સમેન પણ પોતાની આખી આંતરરાષ્ટ્રીય ક્રિકેટ કારકિર્દીમાં આ મહાન રેકોર્ડ બનાવી શક્યો નથી. રાહુલ દ્રવિડે આંતરરાષ્ટ્રીય ક્રિકેટમાં 24,208 રન બનાવ્યા છે. રાહુલ દ્રવિડ જેવા દિગ્ગજ પણ તેની સમગ્ર આંતરરાષ્ટ્રીય ક્રિકેટ કારકિર્દીમાં 25,500 રન પૂરા કરી શક્યા નથી.
આંતરરાષ્ટ્રીય ક્રિકેટમાં સૌથી વધુ રન બનાવનાર
1. સચિન તેંડુલકર (ભારત) - 34357 રન
2. કુમાર સંગાકારા (શ્રીલંકા) - 28016 રન
3. રિકી પોન્ટિંગ (ઓસ્ટ્રેલિયા) - 27483 રન
4. મહેલા જયવર્દને (શ્રીલંકા) - 25957 રન
5. વિરાટ કોહલી (ભારત) - 25,548 રન
6. જેક્સ કાલિસ (દક્ષિણ આફ્રિકા) - 25534 રન
7. રાહુલ દ્રવિડ (ભારત) - 24208 રન
આંતરરાષ્ટ્રીય ક્રિકેટમાં સૌથી વધુ શતક
1. સચિન તેંડુલકર (ભારત) - 100 શતક
2. વિરાટ કોહલી (ભારત) - 75 શતક
3. રિકી પોન્ટિંગ (ઓસ્ટ્રેલિયા) - 71 શતક
4. કુમાર સંગાકારા (શ્રીલંકા) - 63 શતક
5. જેક કાલિસ (દક્ષિણ આફ્રિકા) - 62 શતક
6. હાશિમ અમલા (દક્ષિણ આફ્રિકા) - 55 શતક
આ પણ વાંચો:
PM મોદીને મળ્યું ફ્રાન્સનું સર્વોચ્ચ નાગરિક સન્માન,આ સન્માન મેળવનારા પહેલા ભારતીય PM
ચોમાસામાં ફરવા માટે આ જગ્યાઓ છે બેડ ચોઈસ, ભુલથી પણ આ સીઝનમાં ટ્રીપ પ્લાન ન કરતાં
August Grah Gochar: જાણો કઈ કઈ રાશિઓને થશે સૂર્ય, મંગળ અને શુક્રના ગોચરથી લાભ
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે