નવી દિલ્હી: ટોક્યો પેરાલિમ્પિકમાં ભારતીય શૂટર્સે કમાલ કરી નાખ્યો છે. મનિષ નરવાલે ગોલ્ડ મેડલ જીત્યો જ્યારે સિંહરાજે સિલ્વર મેડલ પર કબજો જમાવ્યો. P4 મિક્સ્ડ 50 મીટર પિસ્તોલ એસએસ-1 ફાઈનલમાં મનિષ નરવાલે 218.2નો સ્કોર કરીને પ્રથમ સ્થાન મેળવ્યું. જ્યારે સિંહરાજ 216.7 અંક સાથે બીજા સ્થાન પર રહ્યા. ભારતના મેડલની સંખ્યા હવે 15 પર પહોંચી ગઈ છે.
આ બંને શૂટર્સ ફરીદાબાદના છે. ક્વોલિફિકેશન રાઉન્ડમાં સિંહરાજ 536 અંકો સાથે ચોથા સ્થાને રહ્યા હતા જ્યારે મનિષ નરવાલ 533 અંક પર સાતમા નંબર પર રહ્યા હતા. આ સાથે જ ટોક્યો પેરાલિમ્પિકમાં મનિષ નરવાલે ભારતને ત્રીજો ગોલ્ડ અપાવ્યો છે. આ અગાઉ અવની લાખેરાએ (Women's 10m Air Rifle SH1) અને સુમિત અંતિલે (Men's Javelin Throw F64) ભારતને ગોલ્ડ મેડલ અપાવ્યા હતા.
#TokyoParalympics, Shooting P4 Mixed 50m Pistol SH1: Manish Narwal wins gold, Singhraj bags silver. pic.twitter.com/nUTf8cpRUR
— ANI (@ANI) September 4, 2021
આ પેરાલિમ્પિકમાં 39 વર્ષના સિંહરાજે બીજો મેડલ મેળવ્યો. આ અગાઉ તેણે 10m Air Pistol SH1 માં બ્રોન્ઝ મેડલ મેળવ્યો હતો. અવની લાખેરાએ પાસે પણ બે મેડલ છે. તેણે ગોલ્ડ અને બ્રોન્ઝ મેડલ મેળવ્યા છે.
હાલના ટોક્યો પેરાલિમ્પિકમાં ભારતે અત્યાર સુધીમાં 15 મેડલ જીતી લીધા છે. ભારતના ફાળે 3 ગોલ્ડ, 7 સિલ્વર અને 5 બ્રોન્ઝ મેડલ આવ્યા છે. પેરાલિમ્પિકના ઈતિહાસમાં ભારતનું આ સર્વશ્રેષ્ઠ પ્રદર્શન છે. આ અગાઉ રિયો ઓલિમ્પિકમાં ભારતે 2 ગોલ્ડ સહિત 4 મેડલ મેળવ્યા હતા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે