)
નવી દિલ્હીઃ તમિલનાડુએ સતત બીજીવાર સૈયદ મુશ્તાલ અલી ટી20 ટ્રોફી જીતી લીધી છે. રોમાંચક ફાઇનલમાં કર્ણાટકે હારનો સ્વાદ ચાખવો પડ્યો છે. કર્ણાટકે તમિલનાડુની સામે 152 રનનો ટાર્ગેટ રાખ્યો હતો. તેવામાં છેલ્લા બોલ પર શાહરૂખ ખાને સિક્સ ફટકારી પોતાની ટીમને ચેમ્પિયન બનાવી છે.
અંતિમ ઓવરમાં હતી 16 રનની જરૂર
મેચ રોમાંચક સ્થિતિમાં હતી. શરૂઆતી પાંચ બોલમાં 11 રન બની ચુક્યા હતા. હવે છેલ્લા બોલ પર પાંચ રનની જરૂર હતી. જો બાઉન્ડ્રી જાય તો મેચ ટઈ અને સિક્સથી જીત મળે. સ્ટ્રાઇક પર રહેલ શાહરૂખ ખાન મોટી હિટ ફટકારવા માટે જાણીતો છે. પોતાની છબી સાથે ન્યાય કરતા તેણે પ્રતીક જૈનના છેલ્લા બોલને સ્ક્વેર લેગની ઉપરથી સિક્સ ફટકારી દીધી હતી.
C. H. A. M. P. I. O. N. S! 🏆 👏#TNvKAR #SyedMushtaqAliT20 #Final @TNCACricket pic.twitter.com/PU3kuctOB6
— BCCI Domestic (@BCCIdomestic) November 22, 2021
ત્રીજીવાર ચેમ્પિયન બન્યું તમિલનાડુ
હવે તમિલનાડુ ટૂર્નામેન્ટની સૌથી સફળ ટીમ બની ચુકી છે, જેણે ત્રીજીવાર આ ટ્રોફી કબજે કરી છે. ગુજરાત, બરોડા અને કર્ણાટક બે-બે વાર આ કમાલ કરી ચુક્યા છે. પાછલા વર્ષે તમિલનાડુએ બરોડાના હરાવી ટૂર્નામેન્ટ જીતી હતી. આ વખતે કર્ણાટકનો વારો હતો. રસપ્રદ વાત છે કે ઓપનિંગ સિઝન પણ તમિલનાડુએ પોતાના નામે કરી હતી. આ વખતે તમિલટીમે સેમીફાઇનલમાં પંજાબને બે વિકેટે હરાવી ફાઇનલમાં એન્ટ્રી કરી હતી.
WHAT. A. FINISH! 👌 👌
A last-ball SIX from @shahrukh_35 does the trick! 💪 💪
Tamil Nadu hold their nerve & beat the spirited Karnataka side by 4 wickets to seal the title-clinching victory. 👏 👏 #TNvKAR #SyedMushtaqAliT20 #Final
Scorecard ▶️ https://t.co/RfCtkN0bjq pic.twitter.com/G2agPC795B
— BCCI Domestic (@BCCIdomestic) November 22, 2021
યેલો આર્મીની ધૂમ
આ વખતે ત્રીજીવાર છે, જ્યારે પીળી જર્સી વાળી ટીમે ટી20 ટૂર્નામેન્ટ જીતી છે. સૌથી પહેલા ચેન્નઈ સુપર કિંગ્સે આઈપીએલ ફાઇનલ જીતી હતી. પછી ઓસ્ટ્રેલિયાએ થોડા દિવસ પહેલા ટી20 વિશ્વકપમાં ચેમ્પિયન બન્યું હતું. હવે યેલો જર્સીવાળી ટીમ તમિલનાડુએ સૈયદ મુશ્તાલ અલી ટ્રોફી પર કબજો કર્યો છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
