રાજસ્થાનના ખરાબ પ્રદર્શન બાદ ફ્રેન્ચાઇઝીએ બદલ્યો કેપ્ટન, રહાણેની જગ્યાએ સ્મિથ સંભાળશે કમાન

ટીમે નિવેદનમાં કહ્યું, અંજ્યિક રહાણેએ ગત વર્ષે પ્લેઓફ સુધી ટીમની સફરમાં મહત્વની ભૂમિકા અદા કરી હતી. પરંતુ ફ્રેન્ચાઇઝીને લાગે છે કે ટીમે 2019ની સિઝનમાં અભિયાનને ટ્રેક પર લાગવાની દિશામાં કંઇક નવું કરવું જરૂરી છે. સ્ટીવ હંમેશા રાજસ્થાનના ટીમ નેતૃત્વનો ભાગ રહ્યો છે અને રહાણે તેની સાથે મહત્વની ભૂમિકા નિભાવશે. 

હાલની સિઝનમાં રાજસ્થાન અત્યાર સુધી 8માંથી માત્ર 2 મેચ જીતી શક્યું છે. પોઈન્ટ ટેબલમાં રાજસ્થાનની ટીમ 4 પોઈન્ટ સાથે સાતમાં સ્થાને છે. 

રાજસ્થાન રોયલ્સના હેડ ઓફ ક્રિકેટ જુબિન ભરૂચાએ કહ્યું કે, રહાણેએ 2018માં ટીમનું નેતૃત્વ કર્યું અને તે આગળ પણ ટીમ માટે મહત્વની ભૂમિકા ભજવશે. 

વાંચો સ્પોર્ટ્સના અન્ય સમાચાર