Asia Cup 2023: પાકિસ્તાનની મેજબાનીમાં યોજાઈ રહેલો એશિયા કપ 2023 (Asia Cup 2023) 30 ઓગસ્ટથી શરૂ થશે અને ફાઇનલ 17 સપ્ટેમ્બરે રમાશે. ભારત અને પાકિસ્તાન વચ્ચે એશિયા કપની પ્રખ્યાત મેચ શ્રીલંકામાં યોજાશે. ટૂર્નામેન્ટની પ્રથમ મેચ 30 ઓગસ્ટના રોજ મુલ્તાનમાં પાકિસ્તાન અને નેપાળ વચ્ચે રમાશે. આ ટૂર્નામેન્ટ પહેલાં એક મોટા સમાચાર સામે આવ્યા છે. એશિયા કપ 2023 પર કોરોનાનો ખતરો તોળાઈ રહ્યો છે.
એશિયા કપ શરૂ થવાના 5 દિવસ પહેલા શ્રીલંકાના કેમ્પમાંથી એક મોટા સમાચાર સામે આવ્યા છે. અહેવાલો અનુસાર, શ્રીલંકાના બે ખેલાડીઓ કોવિડ પોઝિટિવ હોવાનું જાણવા મળ્યું છે. આ ખેલાડીઓ છે ઓપનર અવિષ્કા ફર્નાન્ડો અને ટીમનો વિકેટકીપર બેટ્સમેન કુસલ પરેરા છે. બંને ખેલાડીઓનો રેન્ડમ કોરોના ટેસ્ટ કરવામાં આવ્યો હતો, જેમનો રિપોર્ટ પોઝિટિવ આવ્યો છે.
અગાઉ પણ બંને ખેલાડીઓ કોરોના પોઝિટિવ હોવાનું જાણવા મળ્યું હતું-
ગયા વર્ષે શ્રીલંકા અને ઝિમ્બાબ્વેની વનડે શ્રેણી પહેલા અવિશકા ફર્નાન્ડો કોવિડ પોઝિટિવ હોવાનું જાણવા મળ્યું હતું. પછી બૂસ્ટર ડોઝ લીધા પછી પણ તેને ચેપ લાગ્યો. કુસલ પરેરા પણ બીજી વખત કોરોનાની ઝપેટમાં આવી ગયો છે. કુસલ પરેરા આફ્રિકા સામેની સીરીઝ પહેલા 2 વર્ષ પહેલાં કોવિડ પોઝીટીવ થયો હતો.
શ્રીલંકાએ હજુ સુધી ટીમની જાહેરાત કરી નથી-
શ્રીલંકાએ હજુ એશિયા કપ 2023 માટે પોતાની ટીમની જાહેરાત કરી નથી. ભારત, પાકિસ્તાન, નેપાળ અને બાંગ્લાદેશની ટીમોએ તેમની ટીમની જાહેરાત કરી છે. આ ટુર્નામેન્ટ હાઇબ્રિડ મોડલ પર રમાશે. એશિયા કપની 4 મેચ પાકિસ્તાનમાં રમાશે અને બાકીની મેચો શ્રીલંકામાં રમાશે. એશિયા કપ 2023માં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન અને નેપાળની ટીમો મેદાનમાં ઉતરી રહી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે