તેંડુલકરે આ યુવતીઓ પાસે કરાવી દાઢી, રજૂ કર્યું અનોખુ ઉદાહરણ

તેંડુલકર આવું ભારતમાં રહેલી લિંગ સંબંધિત રૂઢિવાદિતાને તોડવામાં પોતાનું યોગદાન આપવા માટે કર્યું. આ ક્ષેત્રમાં અત્યાર સુધી પુરૂષોનું વર્ચસ્વ માનવામાં આવી રહ્યું છે, પરંતુ ઉત્તર પ્રદેશની બનવારી તોલા ગામની નેહા અને જ્યોતિએ પોતાના પિતા બિમાર થયા બાદ 2014માં તેની જવાબદારી સંભાળવાનો નિર્ણય કર્યો હતો. 

હકીકતમાં આ બંન્ને માટે આ સફર મુશ્કેલ હતી કારણ કે શરૂઆતમાં લોકો મહિલા હજામ પાસે દાઢી ન કરાવતા કે વાળ કપાવતા ન હતા. જીલેટ ઈન્ડિયાએ જાહેરાતમાં તેની પ્રેરણાદાયી કહાવીને બહાર લાવી, જેને લોકો ખુબ પસંદ કરી રહ્યાં છે. આ જાહેરાતને યૂ-ટયૂબ પર 1.60 કરોડ લોકો જોઈ ચુક્યા છે. ત્યારબાદ સચિને આ બંન્ને પાસે સેવિંગ કરાવવાનો નિર્ણય કર્યો હતો. 

A First for me! You may not know this, but I have never gotten a shave from someone else before. That record has been shattered today. Such an honour to meet the #BarbershopGirls and present them the @GilletteIndia Scholarship.#ShavingStereotypes#DreamsDontDiscriminate pic.twitter.com/DNmA8iRYsb

— Sachin Tendulkar (@sachin_rt) May 3, 2019

સચિને ત્યારબાદ ઇન્સ્ટાગ્રામ પર પોસ્ટ કરી. તેમણે લખ્યું, 'તમે ભલે નહીં જાણતા હોવ પરંતુ મેં ક્યારેય કોઈ પાસે દાઢી કરાવી નથી. આજે તે રેકોર્ડ તૂટી ગયો. આ મહિલા હજામને મળવું સન્માનની વાત છે.' તેંડુલકરે આ બંન્નેને જીલેટ સ્કોલરશિપ પણ પ્રદાન કરી જેમાં તેની શૈક્ષણિક અને વ્યાવસાયિક જરૂરીયાતોને પૂરી કરવામાં આવશે. 

વાંચો સ્પોર્ટ્સના અન્ય સમાચાર