ફુટબોલ ક્લબ કેરેલા બ્લાસ્ટર્સ સાથે સચિન તેંડુલકરે છેડો ફાડ્યો

સચિન વર્ષ 2014માં આ ટીમ સાથે જોડાયો હતો અને ઘણીવાર સ્ટેડિયમમાં પોતાની ટીમને ચીયર કરતો જોવા મળ્યો હતો. એક નિવેદનમાં કહ્યું, આ ટીમ સાથે જોડાયાનું મારૂ પાંચમું વર્ષ છે. પોતાની ટીમની સાથે ઘણી ચર્ચા કર્યા બાદ મેં કેરલ બ્લાસ્ટર્સનો સાથ છોડવાનો નિર્ણય કર્યો છે. તેઓ આ ટીમના સહ-પ્રમોટર હતા. 

તેમણે કહ્યું, મને વિશ્વાસ છે કે કેરલની ટીમ સારા ફોર્મમાં છે અને ભવિષ્યમાં સફળતા માટે નવો ઈતિહાસ રમશે. દર્શકોનું આ ટીમને સમર્થન શાનદાર છે. મને આ ટીમ પર ગર્વ છે અને મારૂ દિલ હંમેશા આ ટીમ માટે ધડકશે. છેલ્લા 4 વર્ષ દરમિયાન આ ફુટબોલ ક્લબ મારા જીવનનો મહત્વનો ભાગ રહી. દર્શકોએ ખુબ સમર્થન આપ્યું છે.