Sachin Tendulkar: તો આ કારણે ઈંગ્લેન્ડ સામે હારી ભારતીય ટીમ, સચિન તેંડુલકરે બે દિવસ બાદ જણાવ્યું કારણ

સચિન તેંડુલકરે આપ્યું નિવેદન
ભારતના મહાન ખેલાડી સચિન તેંડુલકરે કહ્યુ, ઈંગ્લેન્ડ વિરુદ્ધ સેમીફાઇનલમાં મળેલી હાર ખુબ નિરાશાજનક રહી છે. 168 રનનો ટાર્ગેટ એડિલેડ માટે ઓછો હતો, કારણ કે મેદાનનો શેપ તે પ્રકારનો છે. સાઇડ બાઉન્ડ્રી નાની છે. 190 જેટલા રન કર્યાં હોત તો સારૂ રહત. અમે બોર્ડ પર વધુ રન બનાવ્યા નહીં. આપણે વિકેટ લેવામાં સફળ થયા નહીં. ઈંગ્લેન્ડ ટફ ટીમ છે. 10 વિકેટથી હારવું કારમો પરાજય છે. 

સચિન તેંડુલકરે આગળ કહ્યું- માત્ર એક મેચના આધાર પર તમે ટીમ ઈન્ડિયાના પ્રદર્શનની સમીક્ષા કરી શકો નહીં. આપણે ટી20 ક્રિકેટમાં નંબર વન ટીમ છીએ. તે રાતોરાત થતું નથી. અહીં પહોંચવા માટે લાંબા સમય સુધી સારૂ પ્રદર્શન કરવું પડે છે. ખેલાડી પણ બહાર જઈને ફેલ થવા ઈચ્છતા નથી. રમતમાં ઉતાર-ચઢાવ તો આવતા રહે છે. આપણે એક સાથે રહેવું પડશે. 

#WATCH | I know that the Semi Finals against England was very disappointing. Let's accept that we did not put up a good total on the board. It was a tough game for us, a bad and disappointing defeat. We have been World number 1 T-20 side as well: Cricketer Sachin Tendulkar to ANI pic.twitter.com/zjT3SjwZ8l

— ANI (@ANI) November 12, 2022

ટીમ ઈન્ડિયાનો થયો હતો કારમો પરાજય
ભારતીય ટીમ ટી20 વિશ્વકપ 2022નું ટાઈટલ જીતવાની પ્રબળ દાવેદાર મનાતી હતી. ટીમ ઈન્ડિયાએ પાકિસ્તાનને 4 વિકેટે હરાવી મજબૂત શરૂઆત કરી હતી. પરંતુ આફ્રિકા સામે ભારતે 5 વિકેટથી હારનો સામનો કરવો પડ્યો હતો. પછી બાંગ્લાદેશ સામે ભારતે મુશ્કેલથી પાંચ રને વિજય મેળવ્યો હતો. સેમીફાઇનલમાં ઈંગ્લેન્ડે ભારતને 10 વિકેટે પરાજય આપ્યો હતો. 

આ પણ વાંચોઃ T20 WC 2022: બીજીવાર ટી20 વિશ્વકપ જીતવા ઉતરશે પાકિસ્તાન-ઈંગ્લેન્ડ, જાણો કોણ મજબૂત

સેમીફાઇનલ મેચમાં પ્રથમ બેટિંગ કરતા ભારતે 168 રન બનાવ્યા હતા. જેના જવાબમાં ઈંગ્લેન્ડે માત્ર 16 ઓવરમાં વિના વિકેટે લક્ષ્ય હાસિલ કરી લીધો હતો. ભારતના બોલરેને એકપણ વિકેટ મળી નહીં. તો બેટિંગમાં રોહિત શર્મા, રાહુલ ફેલ રહેતા ભારતનું વિશ્વકપ જીતવાનું સપનું રોળાયું હતું. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube