અમદાવાદઃ Ind vs Australia Live Score Updates: આઈસીસી ક્રિકેટ વિશ્વકપ 2023ની ફાઈનલ મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. 1 લાખથી વધુ દર્શકોની હાજરીમાં ભારતીય ક્રિકેટ ટીમ ઈતિહાસ રચવા મેદાને ઉતરવાની છે. ભારતીય ટીમ બે વખત વિશ્વ વિજેતા બની ચુકી છે, જ્યારે ઓસ્ટ્રેલિયા પાંચ વખતની ચેમ્પિયન ટીમ છે.
ભારતીય ટીમનું શાનદાર પ્રદર્શન
ટીમ ઈન્ડિયા લીગ રાઉન્ડ અને સેમીફાઈનલ સહિત કુલ 10 મેચ જીતીને ફાઈનલમાં પહોંચી છે. ટીમ ઈન્ડિયા તરફથી તમામ ખેલાડીઓ શાનદાર પ્રદર્શન કરી રહ્યાં છે. ભારતીય ટીમનું પ્રદર્શન જોતા આ વખતે વિશ્વકપની ટ્રોફી જીતશે તેવો વિશ્વાસ દેશભરમાં જોવા મળી રહ્યો છે.
મેચ દરમિયાન થશે એર શોઃ
અમદાવાદના નરેન્દ્ર મોદી સ્ટેડિયમ ખાતે ભારત અને ઓસ્ટ્રેલિયા વચ્ચે ક્રિકેટ વર્લ્ડ કપની ફાઇનલ પહેલા શુક્રવારે એર શો માટે પ્રેક્ટિસ કરી હતી. ગુજરાત ડિફેન્સ પીઆરઓએ જણાવ્યું હતું કે સૂર્ય કિરણ ટીમે સ્ટેડિયમમાં ભવ્ય રિહર્સલ કર્યું હતું અને ફાઇનલ શો પહેલા શનિવારે રિહર્સલ પણ કરવામાં આવશે. આઈસીસીએ એર શોના રિહર્સલનો વીડિયો પણ શેર કર્યો છે.
લાઈટ એન્ડ સાઉન્ડ શોઃ
વિશ્વ કપ ફાઇનલ સમારોહમાં પ્રેક્ષકોનું મનોરંજન કરવા લોકપ્રિય ગાયક પ્રીતમ તેની 500 ગાયકો અને નર્તકોની ટીમ સાથે થીમ પાર્ટીમાં પરફોર્મ કરશે. બીજી ઈનિંગના ડ્રિંક બ્રેક વખતે રાત્રે 8:30 કલાકે 90 સેકન્ડ માટે લાઈટ એન્ડ સાઉન્ડ શોનું આયોજન કરવામાં આવશે. આ શો યુકેની કંપની લેઝર મેજિક પ્રોડક્શન્સ દ્વારા કરવામાં આવશે અને વર્લ્ડ કપ વિજેતા ટીમને આકાશી ફટાકડાથી સન્માનિત કરવામાં આવશે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે