INDvsAUS: 34 વર્ષમાં સૌથી ખરાબ બેટિંગ કરી રહી છે ઓસ્ટ્રેલિયન ટીમ

ઓસ્ટ્રેલિયાની ટીમ પ્રથમ ટેસ્ટમાં પ્રથમ ઈનિંગમાં 235 અને બીજી ઈનિંગમાં 291 રન બનાવી શકી હતી. તે બંન્ને ઈનિંગમાં 300નો આંક વટાવવામાં નિષ્ફળ રહી હતી. રસપ્રદ વાત તે છે કે, 2018મા આ પ્રથમવાર થયું નથી. આ ટીમ આ વર્ષે છેલ્લી 13 ઈનિંગમાં માત્ર એકવાર 300નો આંક પાર કરી શકી છે. આ પહેલા તે 1984મા આ સમયમાંથી પસાર થી હતી. ત્યારે તે 19 ઈનિંગમાં એકવખત 300નો આંકડો પાર કરી શકી હતી. 

37નો થયો 'ફાઇટર' યુવરાજ, લીધા આ શપથ

છેલ્લા યૂએઈમાં બનાવ્યા હતા 300+ રન
ઓસ્ટ્રેલિયાની ટીમે છેલ્લી વાર 300નો આંકડો આ વર્ષે પાકિસ્તાન વિરુદ્ધ યૂએઈમાં પાર કર્યો હતો. તેણે 7-11 ઓક્ટોબર વચ્ચે રમાયેલી ટેસ્ટ મેચની પ્રથમ ઈનિંગમાં 202 રન બનાવ્યા હતા. પરંતુ બીજી ઈનિંગમાં તેણે પોતાનું પ્રદર્શન સુધારતા 8 વિકેટ પર 362 રન બનાવ્યા હતા. તેના આ પ્રદર્શનને કારણે મેચ ડ્રો રહી હતી. પરંતુ ત્યારબાદ રમાયેલી ટેસ્ટમાં તે 145 અને 164 રન બનાવી શક્યું અને મેચ હારી ગયું હતું. 

દક્ષિણ આફ્રિકામાં 8 ઈનિંગ, એકવાર 300+ બનાવ્યા
ઓસ્ટ્રેલિયાએ આ વર્ષે માર્ચ-એપ્રિલમાં દક્ષિણ આફ્રિકા વિરુદ્ધ ચાર ટેસ્ટ મેચ રમી હતી. તેમાં એક માર્ચથી ડરબનમાં રમાયેલા ટેસ્ટની પ્રથમ ઈનિંગમાં 351 અને બીજી ઈનિંગમાં 227 રન બનાવ્યા હતા. આ મેચમાં તે જીત્યું હતું. ત્યારબાદ રમાયેલી ત્રણ ટેસ્ટની છ ઈનિંગમાં તેણે 243, 239, 255, 107 221 અને 119 રન બનાવી શક્યું હતું. આ ત્રણેય મેચમાં ઓસ્ટ્રેલિયાનો પરાજય થયો હતો. 

IPL-2019: આ વખતે 346 ખેલાડીઓની થશે હરાજી, યુવરાજ-શમીની બેઝ પ્રાઇઝ 1 કરોડ 

ત્રણ સિરીઝમાં માત્ર બે વાર 300+
આ રીતે ઓસ્ટ્રેલિયાએ આ સિરીઝ અને છેલ્લી બે સિરીઝમાં મળીને માત્ર બે વખત 300નો આંકડો પાર કર્યો છે. મહત્વપૂર્ણ છે કે, આ બંન્ને  તકે તે મેચ હાર્યું નથી. જેથી સાફ સંકેત છે કે, ઓસ્ટ્રેલિયા 300 ર બનાવી લે ત્યારબાદ તેને હરાવવું આસાન નથી. 

હરમનના સમર્થન બાદ પોવારે કોચ પદ માટે ફરી કરી અરજી

સ્મિથ અને વોર્નરની કમી
ઓસ્ટ્રેલિયાની બેટિંગની ખરાબ સ્થિતિ સ્ટીવ સ્મિથ, વોર્નર અને બેનક્રોફ્ટ પર લાગેલા પ્રતિબંધ બાદ થઈ છે. આ ત્રણેયને બોલ ટેમ્પરિંગ વિવાદ બાદ ક્રિકેટ ઓસ્ટ્રેલિયાએ પ્રતિબંધ લગાવી દીધો હતો. સ્મિથ, વોર્નર પર એક વર્ષ અને બેનક્રોફ્ટ પર નવ મહિનાનો પ્રતિબંધ લાગેલો છે.