બુમરાહ-શમી-ઈશાંતની ત્રિપુટીએ તોડ્યો વેસ્ટ ઈન્ડિઝનો 34 વર્ષ જૂનો રેકોર્ડ

વર્ષ 1984મા વેસ્ટ ઈન્ડિઝના ત્રણેય ફાસ્ટ બોલરોની ત્રિપુટીએ એક વર્ષમાં મળીને 130 વિકેટ ઝડપી હતી. ત્યારબાદ અત્યાર સુધી કોઈપણ ટીમના ત્રણ ફાસ્ટ બોલરોએ મળીને એક કેલેન્ડર વર્ષમાં 130 વિકેટના આંકડાને પાર કર્યો નથી. પરંતુ આ વર્ષે ભારતીય ખેલાડીની ત્રિપુટીએ આ આંકડાને પાર કરીને નવો રેકોર્ડ પોતાના નામે કરી લીધો છે. 

કેચ પ્રેક્ટિસ દરમિયાન ફાટ્યું શોન પોલોકનું પેન્ટ, જુઓ વીડિયો

ટીમ ઈન્ડિયા માટે આ વર્ષે જસપ્રીત બુમરાહે 9 ટેસ્ટ રમીને 46 વિકેટ પોતાના નામે કરી છે, તો તેના બીજા જોડીદાર મોહમ્મદ શમીએ (12 ટેસ્ટમાં) આટલી વિકેટ પોતાના નામે કરી છે, તેણે 46 વિકેટ પૂરી કરવા માટે બુમરાહથી ત્રણ ટેસ્ટ વધુ રમી છે. આ સિવાય ઈશાંત શર્માએ 11 ટેસ્ટ મેચ રમીને 39 વિકેટ ઝડપી છે. 

દેશના ટોચના ગોલ્ફર જીવ મિલ્ખા સિંઘે અમદાવાદમાં યુવાનોને શિખવ્યા ગોલ્ફના પાઠ

એક વર્ષમાં સૌથી વધુ વિકેટ ઝડપનાર ત્રિપુટીની વાત કરીએ તો આ મામલામાં ભારત, વેસ્ટ ઈન્ડિઝ બાદ ત્રીજા સ્થાને સાઉથ આફ્રિકન ટીમનું નામ આવે છે. વર્ષ 2008મા સાઉથ આફ્રિકા માટે મોર્ને મોર્કલ, મકાયા નિતિની અને ડેલ સ્ટેને મળીને 124 વિકેટ પોતાના નામે કરી હતી.