બેડમિન્ટન વર્લ્ડ ચેમ્પિયનશિપઃ પ્રણોયે પૂર્વ ઓલિમ્પિક ચેમ્પિયન લિન ડેનને હરાવ્યો

વિશ્વ રેન્કિંગમાં 30મા નંબરના ખેલાડી પ્રણોયે વર્લ્ડ નંબર-17 ડેનને 21-11, 13-21, 21-7થી પરાજય આપ્યો હતો. પ્રણોયે આ મુકાબલાને એક કલાક બે મિનિટમાં પોતાના નામે કર્યો હતો. આ જીતની સાથે પ્રણોયે ડૈન વિરુદ્ધ પોતાના કરિયરનો રેકોર્ડ 3-2નો કરી લીધો છે. 

ભારતીય ખેલાડીએ મેચમાં ધમાકેદાર શરૂઆત કરતા પ્રથમ ગેમથી પોતાના પકડ મજબૂત રાખી હતી. પ્રણોયે પહેલા તો 8-3 અને પછી 12-5ની લીડ બનાવી લીધી હતી. તેણે પછી 16-9ની લીડ મેળવ્યા બાદ 21-11થી ગેમ પોતાના નામે કરી લીધી હતી. 

લિન ડેને બીજી ગેમમાં સારી વાપસી કરી હતી. એક સમયે સ્કોર 5-5થી બરોબરી પર રહ્યાં બાદ ડૈને પહેલા તો 10-7 અને પછી 14-9ની લીડ બનાવી લીધી હતી. ચીની ખેલાડીએ ત્યાપબાદ 17-11ની લીડ બનાવ્યા બાદ 21-13થી બીજી ગેમ જીતીને મેચને રોમાંચક બનાવી દીધી હતી. 

બીસીસીઆઈએ શ્રીસંતને આપી રાહત, પ્રતિબંધ ઘટાડીને 7 વર્ષનો કર્યો 

ત્રીજી ગેમમાં પ્રણોયે પહેલા તો 4-1ની લીડ બનાવી અને પછી તેણે એક સમયે 10-5નો સ્કોર કરી લીધો હતો. ભારતીય ખેલાડીએ સતત પોઈન્ટ મેળવતા 19-7ની શાનદાર લીડ બનાવી લીધી અને પછી 21-7થી ગેમ અને મેચ પોતાના નામે કરી હતી.