)
Shubh Sapne: ધાર્મિક ગ્રંથો અનુસાર જ્યારે વ્યક્તિનો સમય બદલવાનો હોય છે ત્યારે તેને કેટલાક સંકેત મળે છે. આ સંકેત ભવિષ્યમાં થનારી સારી અને ખરાબ બંને પ્રકારની ઘટનાઓનો સંકેત કરે છે. કેટલાક શુભ સંકેત વ્યક્તિને સપના દ્વારા મળે છે. સપના અને તે ફળ વિશે એક સંપૂર્ણ શાસ્ત્ર લખવામાં આવ્યું છે જેને સ્વપ્ન શાસ્ત્ર કહેવામાં આવે છે. સ્વપ્ન શાસ્ત્રમાં સપનાના શુભ અને અશુભ પરિણામો વિશે જણાવવામાં આવ્યું છે.
જ્યારે આપણે ઊંઘમાં હોય છે ત્યારે આવતાં સપના આપણા જીવન પર અસર કરતાં હોય છે. આજે તમને આવા જ કેટલાક શુભ ફળ આપતાં અને ભવિષ્યમાં થનારી સારી ઘટનાઓનો સંકેત કરતાં સપના વિશે જણાવીએ. એવા કેટલાક સપના જે સવારે બ્રહ્મ મુહૂર્ત એટલે કે વહેલી સવારે 3 વાગ્યાથી સવારે 5 વાગ્યાની વચ્ચે આવે તો તે શુભ ઘટના બનવાના સંકેત કરે છે. આ સપના વ્યક્તિને અપાર સંપત્તિ, પ્રતિષ્ઠા, માન અને કાર્યમાં સફળતા મળવાની હોય તે પહેલા આવે છે. ખાસ કરીને આ સપના આર્થિક લાભ તરફ સંકેત કરે છે.
આ પણ વાંચો:
Kendra Trikon Rajyog: 100 વર્ષ પછી સર્જાયો કેન્દ્ર ત્રિકોણ રાજયોગ, 3 રાશિઓને થશે લાભ
આ તારીખે ઉજવાશે પદ્મિની એકાદશી, અધિક માસનું આ વ્રત કરવાથી પ્રાપ્ત થાય છે સંતાન સુખ
તમને પણ પલંગ નીચે આવી વસ્તુઓ રાખવાની આદત છે ? તો તમે આપી રહ્યા છો અલક્ષ્મીને આમંત્રણ
આ સપના કરે છે ધન લાભનો સંકેત
- સપનામાં નાના બાળક હસતા અને મજા કરતા જોવા મળે તો તમને ભવિષ્યમાં પૈસા મળવાના છે તેમ સમજી લેવું. જો સપનામાં નાની બાળકી નૃત્ય કરતી જોવા મળે તો સમજી લેવું કે તમારો સમય બદલી જવાનો છે.
- સ્વપ્નમાં પાણીથી ભરેલો ઘડો કે અન્ય પાત્ર જોવા મળે તો તે ધન લાભનો સંકેત હોય છે. જો સપનામાં માટીનું વાસણ જોવા મળે તો વ્યક્તિને અપાર ધન સંપત્તિ પ્રાપ્ત થાય છે.
- જો કોઈ વ્યક્તિ સ્વપ્નમાં પોતાને અનાજના ઢગલા પર ચઢતો જુએ છે તો આ સ્વપ્ન ખૂબ જ શુભ ફળ આપે છે.
- સ્વપ્નમાં પોતાને અથવા અન્ય લોકોને સ્નાન કરતા જોવા પણ ખૂબ જ શુભ હોય છે. જો આવું સ્વપ્ન આવે તો વ્યક્તિને યાત્રાથી લાભ મળે છે.
- સ્વપ્નમાં વ્યક્તિ પોતાને ગંગા નદીમાં ડૂબકી મારતા અનુભવે તો તેનો અર્થ છે કે તેમને અટકેલા પૈસા જલ્દી પરત મળશે.
આ પણ વાંચો:
શુક્રવારે આ કામ કરનાર પર વરસે છે માતા લક્ષ્મીનો ક્રોધ, છીનવાય જાય છે ધન-વૈભવ
Budh Gochar 2023: બસ 3 દિવસ પછી થશે બુધ ગ્રહનો સિંહ રાશિમાં પ્રવેશ, 3 રાશિને થશે લાભ
- જો સ્વપ્નમાં મંદિર, શંખ, દૂધ, ચોખા, ખીર શિવલિંગ, દીવો, ઘંટ, સફેદ હાથી, રાજા, રથ, પાલખી, તેજસ્વી આકાશ અને પૂર્ણ ચંદ્ર દેખાય તો તે પણ ખૂબ જ શુભ ગણાય છે. જ્યારે આવું થાય છે ત્યારે વ્યક્તિને સિદ્ધિ, સંપત્તિ અને સન્માન મળે છે.
- સપનામાં પોતાનો દાંત તૂટતો જોવા મળે તો તે પણ ખૂબ જ શુભ ગણાય છે. તેનાથી ધનલાભ થાય છે.
- સપનામાં વાળ કપાતા હોવાનું અનુભવ થાય તો તેનાથી આર્થિક સમસ્યાઓનો અંત આવે છે.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
