આવા તો કોઈ તહેવાર હોય, જાણીને તમારી આંખો થઈ જશે પહોળી

સામાન્ય રીતે બાળકોને નજર ના લાગે તેના માટે ભારતમાં કાળી દોરી બાંધવામાં આવે છે. પરંતુ સ્પેનમાં નવા જન્મેલા બાળકોને નજર ના લાગે તેના માટે ખાસ તહેવારની ઉજવણી કરવામાં આવે છે. જેમાં શેતાનનો ડ્રેસ પહેરેલી વ્યક્તિ બાળકો પરથી કૂદીને પસાર થાય છે. સ્પેનમાં એવી માન્યતા છે આવું કરવાથી બાળકોને નજર નથી લાગતી.

ટેક્સાસમાં ઉજવાતો એક અજીબો ગરીબ તહેવારને મચ્છર ઉત્સવ તરીકે ઓળખવામાં આવે છે. આ મચ્છર ઉત્સવની ઉજવણી ક્લુટ ટેક્સાસમાં કરવામાં આવે છે. 3 દિવસ સુધી ઉજવાતા આ ઉત્સવમાં વિવિધ પ્રકારની વિચિત્ર રમતોનું પણ આયોજન કરવામાં આવે છે.

ભારતમાં એકમાત્ર  મેળામાં વસ્તુ વિનિયમ પ્રાણી બનાવવામાં આવે છે. જેની ઉજવણી આસામમાં કરવામાં આવે છે. આ મેળાને જોનબીલ મેળા તરીકે પણ ઓળખવામાં આવે છે. જોનબીલ મેળામાં થતી મુર્ગાની લડાઈ તો સમગ્ર વિશ્વમાં લોકપ્રિય છે.

મંદિરો કે રસ્તા પર કપિરાજને વસ્તુ આપતા લોકોને તમે જોયા હશે. પરંતુ થાઈલેન્ડમાં 1980થી કપિરાજ માટે મંકી બફેટ ફેસ્ટિવલ ઉજવાય છે. જેમાં કપિરાજ માટે ખાસ મિજબાનીનું આયોજન કરવામાં આવે છે. જેમાં વિવિધ પ્રકારની વસ્તુઓની વાનગીઓ કપિરાજને ખવડાવવામાં આવે છે. મહત્વનું છે પ્રવાસીઓની અવરજવર વધારવા થાઈલેન્ડમાં આ મહોત્સવની શરૂઆત થઈ હતી.

મેક્સિકોમાં મનાવાતા ડેડ ઓફ ધ ડેડ ફેસ્ટિવલનું મહત્વ ખાસ છે. કેમ કે 19 સપ્ટેમ્બરે દેશમાં આવેલા ભૂકંપ દરમિયાન મૃત્યુ પામેલા લોકોને શ્રદ્ધાંજલિ આપવા માટે ડેડ ઓફ ધ ડેડ ફેસ્ટિવલ મનાવાય છે. આ વિનાશક ભૂકંપમાં 400થી વધુ લોકોના મોત થયા હતા. અને 6 હજારથી વધુ લોકો ઘાયલ થયા હતા.

સામાન્ય રીતે હોળીની ઉજવણી એકબીજાને રંગ લગાવીને કરવામાં આવે છે. પરંતુ આશ્ચર્યની વાત તો એ છે કે ઈટાલીમાં હોળી રંગોથી નહીં પણ નારંગી સાથે રમાય છે. ફેબ્રુઆરી મહિનામાં એકબીજા પર નારંગી ફેંકીને ઈટાલીમાં હોળીના તહેવારની ઉજવણી થાય છે.