Cricket Records: સચિન તેંડુલકરની ગણતરી વિશ્વના મહાન બેટ્સમેનોમાં થાય છે. તે ભલે ઘણા વર્ષો પહેલા નિવૃત્ત થઈ ગયો હોય પરંતુ તેના કેટલાક આ...
વિશ્વના મહાન બેટ્સમેનોમાંના એક સચિન તેંડુલકરે ભલે લાંબા સમય સુધી આંતરરાષ્ટ્રીય ક્રિકેટમાંથી નિવૃત્તિ લીધી હોય, પરંતુ તેના ચાહકોની સંખ્યામાં ઘટાડો થયો નથી. તેના ઘણા આંતરરાષ્ટ્રીય રેકોર્ડ હજુ પણ અકબંધ છે. ટીમ ઈન્ડિયાના કેપ્ટન અને ડેશિંગ ઓપનર રોહિત શર્મા પોતાના 3 રેકોર્ડ તોડી શકે છે.
નિવૃત્તિ પછી સચિન તેંડુલકરને પૂછવામાં આવ્યું કે એવા કયા ભારતીય ખેલાડી છે જે તેના રેકોર્ડ તોડી શકે છે, તો તેણે વિરાટ કોહલી અને રોહિત શર્માનો ઉલ્લેખ કર્યો. હવે લાગે છે કે તેની આગાહી સાચી સાબિત થઈ શકે છે.
ODI વર્લ્ડ કપમાં સૌથી વધુ સદી ફટકારવાના મામલે સચિન અને રોહિત શર્મા બરાબરી પર છે. બંનેએ આ ICC ટૂર્નામેન્ટમાં 6-6 સદી ફટકારી છે. હવે ભારતની યજમાનીમાં વર્લ્ડકપ રમાવાનો છે, એવામાં રોહિત આ મામલે સચિનને પાછળ છોડી શકે તેવી આશા છે.
સચિન તેંડુલકરનો કેપ્ટનશિપનો રેકોર્ડ પણ ખતરામાં છે. રોહિતે કેપ્ટન તરીકે અત્યાર સુધી વનડેમાં 20 મેચ જીતી છે, સચિને કેપ્ટન તરીકે 23 વનડે જીતી હતી. એવામાં આશા છે કે રોહિત સચિનને પછાડી આગળ નિકળી શકે છે.
સચિને વન-ડે ઇન્ટરનેશનલ ક્રિકેટમાં 10,000 રન પૂરા કરવા માટે 259 ઇનિંગ્સ રમી હતી. રોહિતે અત્યાર સુધી 244 વનડેની 237 ઇનિંગ્સમાં 9837 રન બનાવ્યા છે. તે 164 રન બનાવતાની સાથે જ 10,000 નો આંકડો પાર કરી લેશે. આ મામલામાં પણ તે સચિનને પાછળ છોડી શકે છે.