કેદારનાથ જ નહી, આ પણ છે બાબાના ભક્તો માટે હોટ ફેવરિટ ધાર્મિક સ્થળ, સર્જ્યો અનોખો રેકોર્ડ

MP Tourism:  ઐતિહાસિક વારસો, ભવ્ય ઈતિહાસ, પ્રાકૃતિક સૌંદર્ય, વૈવિધ્યસભર વન્યજીવન અને આધ્યાત્મિક અનુભવો માટે દેશ અને દુનિયામાં પ્રખ્યાત મધ્યપ્રદેશે વર્ષ 2023માં 11 કરોડથી વધુ પ્રવાસીઓનું સ્વાગત કર્યું, જે અત્યાર સુધીનો એક રેકોર્ડ છે. 

જાન્યુઆરી 2023થી ડિસેમ્બર 2023 સુધીમાં મધ્યપ્રદેશમાં 11 કરોડ 21 લાખ પ્રવાસીઓ આવ્યા, જેમાંથી વિદેશી પ્રવાસીઓની સંખ્યા 1 લાખ 83 હજાર હતી. 2019માં કોવિડ પ્રતિબંધો લાદવામાં આવ્યા તે પહેલાં કુલ 8,90,35,097 પ્રવાસીઓ આવ્યા હતા. 

2022માં પ્રવાસીઓની સંખ્યા 3,41,38,757 હતી. રાજ્યમાં સૌથી વધુ પ્રવાસીઓ ઉજ્જૈન પહોંચ્યા, જેમની સંખ્યા 5 કરોડ 28 લાખથી વધુ હતી. તેવી જ રીતે, રાજ્યના ટોપ-10 સ્થળો પૈકી પાંચ સ્થળો ધાર્મિક પ્રવાસન સાથે સંબંધિત છે. ઉજ્જૈન બાદ મૈહર દેવી મંદિરમાં સૌથી વધુ પર્યટકો પહોંચ્યા છે. મૈહરમાં ગત વર્ષે 1 કરોડ 68 લાખ 49 હજાર પર્યટકોએ દેવીજીના દર્શન કર્યા છે. 

દેશના સૌથી સ્વચ્છ શહેરમાં દર વર્ષે પર્યટકોની સંખ્યા વધવા લાગી છે. ઇન્દોરમાં ગત વર્ષે 1 કરોડ 1 લાખ 19 હજાર 30 પર્યટક પહોંચ્યા છે. 

રાજ્યના ટોચના 10 સ્થળોમાંથી પાંચ ધાર્મિક સ્થળો ઉજ્જૈન, મૈહર, ચિત્રકૂટ, ઓમકારેશ્વર અને સલ્કનપુર છે. લોકો ધાર્મિક સ્થળોની મુલાકાત લઈને માનસિક શાંતિ અને આધ્યાત્મિક ઉર્જાનો અનુભવ કરે છે. ધાર્મિક સ્થળોનું ઐતિહાસિક અને સાંસ્કૃતિક મહત્વ પણ પ્રવાસીઓને આકર્ષી રહ્યું છે. આ સ્થાનો પ્રાચીન ઇતિહાસ, સ્થાપત્ય અને સંસ્કૃતિનું અદ્ભુત મિશ્રણ છે. ઉજ્જૈનમાં મહાકાલ લોક, ઓમકારેશ્વરમાં એકાત્મ ધામ જેવા મહત્વાકાંક્ષી પ્રોજેક્ટોએ પણ રાજ્યમાં પ્રવાસીઓની સંખ્યામાં અનેકગણો વધારો કરવામાં મદદ કરી છે. 

ઉજ્જૈન- 52841802 મૈહર- 16849000 ઇન્દોર- 10119030 ચિત્રકૂટ- 9001126 ઓમકારેશ્વર- 3475000 જબલપુર- 2669869 સલ્કનપુર- 2565000 નર્મદાપુરમ (પચમઢી, મઢઈ, નર્મદાપુરમ, આદમગઢ)- 2283837 રાયસેન (ભીમબેટકા, સાંચી, ભોજપુર)- 2137058 ભોપાલ- 1950965

2023- 112129094 2022- 3,41,38,757 2021- 2,55,95,668 2020- 21400693 2019- 8,90,35,097 2018- 8,46,14,456 2017- 58862584