ident New : આબુથી અંબાજી આવતી રાજસ્થાન રોઝવેઝની બસ સાથે મોટી દુર્ઘટના બની હતી. બસ પલટી ખાઈને નદીમાં ખાબકી હતી. આ બસમાં ક...
પ્રાપ્ત માહિતી અનુસાર, અંબાજીથી 10 કિલોમીટર દૂર રાજસ્થાન રોડવેઝની બસ પલટી મારી ગઈ હતી. રાજસ્થાનના રાજ સમંદથી નીકળેલી બસ અંબાજી તરફ આવી રહી હતી.
આબુ રોડથી નીકળેલી બસ અંબાજી તરફ આવી રહી હતી, ત્યારે બસ રોડ ઉપરથી પલ્ટી મારી નદીમાં ખાબકી હતી.
આ બસમાં કુલ 46 જેટલા મુસાફરો સવાર હતા. જેમાં 15 થી વધુ મુસાફરો ઘાયલ થયા હોવાનું માનવામાં આવે છે. તમામ મુસાફરોને નાનીમોટી ઈજા પહોંચી છે.
ઘટનાની જાણ થતા જ રાજસ્થાન પોલીસ અને રાજસ્થાન રોડવેઝ વિભાગના અધિકારીઓ ઘટના સ્થળે પહોંચ્યા હતા અને બચાવ કામગીરી ચાલુ કરાઈ હતી.
બચાવ કામગીરી ચાલુ કરીને બસમાં ફસાયેલા મુસાફરોને બહાર કઢાયા હતા. તમામ ઈજાગ્રસ્તોને રાજસ્થાનના આબુરોડ સારવાર માટે લઈ જવાયા હતા.
હાલ આ મુસાફરો ક્યાંના હતા તે હજી જાણી શકાયું નથી. પરંતું અકસ્માતના ભયાવહ દ્રષ્યો જોઈને કહી શકાય છે કે તે કેટલો ગંભીર હતો.