November Gochar: આવનારા મહિનામાં શનિ ચાલ બદલવાના છે. શનિ દેવની સીધી ચાલ કેટલાક જાતકો માટે શુભદાયક સાબિત થશે.
...Saturn Transit 2023: શનિ દેવનું ગોચર ખુબ મહત્વપૂર્ણ માનવામાં આવે છે. જ્યાં શનિ દેવના અશુભ પ્રભાવથી જીવનમાં તહસ-નહસ મચી શકે છે. તો જો શનિનો શુભ પ્રભાવ હોય તો ન બનનારા કામ પણ પોતાની ગતિ પકડી લેતા હોય છે. આવનારા મહિનામાં શનિની ચાલ બદલાવાની છે. શનિ દેવ 4 નવેમ્બરના દિવસે કુંભ રાશિમાં માર્ગી થવાના છે. શનિ દેવની આ સીધી ચાલ કેટલાક જાતકો માટે શુભદાયક સાબિત થશે. ચાલો જાણીએ શનિના ચાલ બદલવાથી કયા જાતકોનો ભાગ્યોદય થઈ શકે છે.
સિંહ રાશિના જાતકોને શનિ દેવની ચાલ બદલવાથી શુભ ફળની પ્રાપ્તિ થશે. જીવનમાં આવી રહેલી સમસ્યા ધીમે-ધીમે દૂર થવા લાગશે. વેપારમાં કરેલા પ્રોફિટથી તમારૂ માન-સન્માન વધશે. નોકરી કરનાર જાતકોને કોઈ મોટો પ્રોજેક્ટ મળી શકે છે, જે તેના પ્રમોશનનું કારણ બની શકે છે. લગ્ન જીવનમાં આવતી સમસ્યા દૂર કરવા માટે વાત-ચીત જરૂરી છે.
શનિ દેવના ચાલ બદલવાથી મકર રાશિના જાતકોને ફાયદો થઈ શકે છે. તમારો પ્રોફિટ વધારનારા ઘણા પ્રોજેક્ટ મળી શકે છે. વેપારીઓ માટે સમય શુભ માનવામાં આવી રહ્યો છે. સ્પર્ધાત્મક પરીક્ષાની તૈયારી કરી રહેલા વિદ્યાર્થીઓનું ધ્યાન અભ્યાસ પર રહેશે. કામના સિલસિલામાં યાત્રા પણ કરવી પડી શકે છે.
વૃષભ રાશિના જાતકો માટે શનિની ચાલમાં ફેરફાર લાભદાયી માનવામાં આવી રહ્યો છે. શનિ દેવની કૃપાથી જીવનમાં મુશ્કેલી દૂર થશે. સમાજમાં તમારી પદ-પ્રતિષ્ઠા વધશે. નોકરી કરનાર જાતકોને બોસનો સાથ મળશે. લગ્ન જીવનમાં મધુરતા બનેલી રહેશે. સ્વાસ્થ્યનું ધ્યાન રાખવું જરૂરી છે.
અહીં આપવામાં આવેલી માહિતી સામાન્ય માન્યતા પર આધારિત છે. ઝી 24 કલાક તેની પુષ્ટિ કરતું નથી