શાહરૂખ ખાનની લાઈફની સૌથી મોટી ફિલ્મમાં આ અભિનેત્રી કરી ચુકી છે કામ, જુઓ તસવીરો

મંદિરા બેદીએ 90ના દશકના ટીવી શો શાંતિમાં એક સાદી છોકરીનું પાત્ર ભજવ્યું હતું, જે પોતાના દરેક વસ્તુ માટે લડતી જોવા મળી હતી. શાંતિમાં મુખ્ય ભૂમિકા ભજવીને મંદિરા બેદી ઘર-ઘરમાં જાણીતી બની ગઈ હતી.

મંદિરા બેદીએ શાહરૂખ ખાન અને કાજોલની ફિલ્મ દિલવાલે દુલ્હનિયા લે જાયેંગેમાં પણ કામ કર્યું હતું. અભિનેત્રી આ ફિલ્મમાં શાહરૂખ ખાનના એકતરફી પ્રેમીની ભૂમિકામાં જોવા મળી હતી. દિલવાલે દુલ્હનિયા લે જાયેંગેમાં મંદિરા બેદી લીડ રોલમાં ન હોવા છતાં તેમનું પાત્ર ખૂબ જ પસંદ કરવામાં આવ્યું હતું.  

મંદિરા બેદીએ ઘણા ટીવી શોમાં પોતાની એક્ટિંગ સ્કિલ બતાવી છે. અભિનેત્રી ક્યૂંકી સાસ ભી કભી બહુ થી, આહત, ઓરત, ઘર જમાઈ અને 24 જેવા અનેક શોમાં કામ કરી ચૂકી છે.

મંદિરા બેદી એક પ્રખ્યાત ટીવી  પ્રેસેન્ટર પણ છે. તેણીએ એન્કર તરીકે આઈપીએલ સીઝન-3 પણ કવર કરી છે. આ સમયગાળા દરમિયાન મંદિરા બેદીની ફેશન સ્ટાઈલ અને સાડીનો દેખાવ ખૂબ જ લોકપ્રિય બન્યો હતો.

મંદિરા બેદીએ વર્ષ 1999માં ડાયરેક્ટર રાજ કૌશલ સાથે લગ્ન કર્યા હતા. મંદિરા બેદીએ લગ્નના 12 વર્ષ બાદ 2011માં પુત્રને જન્મ આપ્યો હતો. ત્યારબાદ અભિનેત્રીએ વર્ષ 2020માં એક પુત્રીને દત્તક લીધી, જેનું નામ તેણે તારા રાખ્યું. અભિનેત્રી તેની ફિટનેસ અને ગ્લેમરસ લુક માટે સોશિયલ મીડિયા પર ઘણી લાઇમલાઇટ મેળવે છે.