સ્કીન પ્રોબ્લેમ્સથી પરેશાન છો તો અપવાનો આ ઘરેલું ફેસપેક, ક્યારેય નહીં થાય સમસ્યા

ઝી બ્યૂરો, અમદાવાદઃ શિયાળામાં તમારી ત્વચાને વધુ કાળજીની જરૂર પડે છે. ઠંડીને લીધે ત્વચા ઝડપથી નમી ગુમાવે છે, જેના કારણે ત્વચાથી ગ્લો ઓછો થઈ જાય છે. તમારી સાથે પણ આવું ન બને તે માટે ખાસ ફેસપેક બનાવવાની રીત અહી શેર કરી છે. તમે તમારા ઘરે આરામથી આ તમામ ફેસપેક બનાવી શકો છો અને ચહેરા પર લગાવી શકો છો. કોઈપણ ફેસપેકને લગાવતા પહેલા તમારા ચહેરાને સરખી રીતે સાફ કરી લો. ચહેરો સાફ કરવા માટે તમે ગુલાબજળ અને ટોનરનો ઉપયોગ કરી શકો છો. આવું કરવાથી ચહેરા પર જામેલી ધુળ, ગંદકી નીકળી જશે અને ચહેરા પર નિશાન પણ નહીં પડે.

કોફી પાઉડર અને નારિયેળ તેલ ફેસપેક
આ ફેસપેક બનાવવા માટે 1 ટીસ્પુન કોફી પાઉડર અને 2 ટીસ્પુન નારિયેળ તેલની જરૂર પડશે. એક વાટકીમાં 1 ટીસ્પુન કોફી પાઉડર અને 2 ટીસ્પુન નારિયેળ તેલ મિક્સ કરો. ત્યાર બાદ આ ફેસપેકને ચહેરા પર લગાવો. કોફી પાઉડરએ ખુબ સરસ એક્સફોલિએટર છે, જે સ્કીનને ગહેરાઈથી સાફ કરે છે. સાથે જ બ્લડ સર્કુલેશન પણ વધારે છે. આ ફેસપેક પિંપલ્સ અને ડાર્ક સ્પોટ્સને ઓછું કરવામાં મદદ કરે છે. નારિયેળનું તેલ લગાવવાથી સ્કીનમાં નમી બની રહે છે. પેક સુકાઈ જાય પછી થોડુ પાણી લઈ સર્કુલર મોશનમાં 5 મિનિટ મસાજ કરી તેને ચહેરા પરથી કાઢી લેવું

કેળા અને મધનું ફેસપેક
આ ફેસપેક બનાવવા માટે તમારે જોઈશે છુંદેલા કેળા અને 1 ચમચી મધ. છુંદેલા કેળામાં 1 ચમચી મધ મિક્સ કરો. જો તમારી ત્વચા શુષ્ક હોય તો તેમાં થોડી મલાઈ મિક્સ કરો. હવે બ્રશની મદદથી ચહેરા પર આ ફેસપેક લગાવો. આ પેક લગાવવાથી તમને ફરક તરત જ દેખાશે. પેક સુકાઈ ગયા પછી ચહેરાને સાફ પાણીથી ધોઈ લેવો. કેળામાં આયરન મોટી માત્રામાં મળે છે. તેની સાથે જ કેળા નેચરલ મોશ્ચરાઈઝર તરીકે કામ કરે છે.  જ્યારે તમે મધ અને કેળાને મિક્સ કરી ફેસપેક તૈયાર કરો છો ત્યારે તે તમારા ચહેરા પર ખુબ સરસ રીતે કામ કરે છે. જે તમારી ત્વચાને નમી આપે છે. પોષણ આપે છે. એટલે જ શિયાળામાં આ ફેસપેક બેસ્ટ માનવામાં આવે છે.