Kitchen Tips: મસાલાને આ રીતે સાચવશો તો આખું વર્ષ રહેશે એકદમ ફ્રેશ, એક પણ મસાલામાં જીવાત નહીં પડે

આ પણ વાંચો: Kitchen Tips: અનાજમાં આખું વર્ષ નહીં પડે ધનેડા, સ્ટોર કરતી વખતે ફોલો કરજો આ ટીપ્સ

આખું વર્ષ જ્યારે કોઈ વસ્તુને સાચવવાની હોય તો તેને સ્ટોર કરતી વખતે પણ સાવધાની રાખવી જરૂરી છે. ઘણી વખત એવું થાય છે કે મસાલામાં ભેજ લાગી જાય છે અથવા તો મસાલામાં જીવજંતુ પડી જાય છે. આવું ન થાય તે માટે કેટલીક બાબતોનું ધ્યાન રાખવું જોઈએ. આજે તમને કેટલીક એવી ટીપ્સ વિશે જણાવીએ જેને ફોલો કરશો તો આખું વર્ષ મસાલા ખરાબ નહીં થાય અને તેની સુગંધ અને રંગ પણ જળવાઈ રહેશે. 

આ પણ વાંચો: આ માપ અને ટીપ્સ ફોલો કરી કચોરી બનાવશો તો પોચું નહીં પડે પડ, બનશે એકદમ ક્રિસ્પી

એર ટાઈટ કન્ટેનર

જે મસાલાને બારેમાસ સાચવવાના હોય તેને સ્ટોર કરવા માટે એર ટાઈટ કન્ટેનરનો ઉપયોગ કરવો જોઈએ. મસાલાને હંમેશા કાચના કે સ્ટીલના વાસણમાં રાખવા જોઈએ. પ્લાસ્ટિકના ડબ્બાનો ઉપયોગ ન કરવો. 

અંધારામાં રાખો

મસાલાનો સ્વાદ સુગંધ અને રંગ એવાને એવા રાખવા હોય અને તેને ખરાબ થતા બચાવવા હોય તો  મસાલાના ડબ્બા ને હંમેશા અંધારામાં રાખવા જોઈએ. એટલે કે એવી રીતે રાખવા કે જ્યાં તડકો આવતો ન હોય. આ રીતે મસાલા સાચવશો તો આખું વર્ષ મસાલા સારા રહેશે.

આ પણ વાંચો: Kitchen Tips: ગરમીમાં ડુંગળીને ખરાબ થતા બચાવવી હોય તો આ રીતે કરો સ્ટોર

ગરમીથી દૂર રાખો

મસાલાને ક્યારેય એવી જગ્યાએ ન રાખો જ્યાં ગરમી વધારે હોય એટલે કે ગેસ સ્ટવની આસપાસ મસાલા રાખવા નહીં. આમ રાખવાથી મસાલા ઝડપથી ખરાબ થઈ જાય છે.

ભેજથી બચાવો

મસાલાને ભેજ ન લાગે તે વાતનું ખાસ ધ્યાન રાખવું જો મસાલામાં ભેજ લાગશે તો તેમાં જીવાત થઈ જશે. જ્યારે પણ મસાલા કાઢવાના હોય તો હાથને બરાબર કોરા કરી લેવા અને મસાલા કાઢવાનો ચમચો પણ બરાબર સાફ હોય તે જોઈ લેવું.

આ પણ વાંચો: ગુજરાતની નજીક જ કાશ્મીર ફર્યા જેવી મજા કરવી હોય તો પહોંચી જાવ આ જગ્યાએ, જુઓ Photos

વધુ સમય માટે ન કરો સ્ટોર

મસાલાને એક વર્ષથી વધુ સમય માટે સાચવવાનું ટાળો. એક વર્ષથી વધુ સમય માટે સ્ટોર કરેલા મસાલાનો ઉપયોગ કરવો હાનિકારક છે.