Recipe: કારેલાનું શાક મોટાભાગના લોકો ખાવાનું ટાળે છે. કારેલા કડવા હોવાથી તેને ખાવાનું કોઈ પસંદ કરતું નથી. જો ઘરમાં કારેલાનું શાક બને તો નાના-મોટા સૌ કોઈનું મોં બગડી જાય છે. કારેલા સ્વાદમાં કડવા હોય છે પરંતુ તે સ્વાસ્થ્ય માટે લાભકારી હોય છે.
કારેલાનું શાક કડવું લાગતું હોય અને આ કારણથી જો તમારા ઘરમાં કારેલા ખવાતા ન હોય તો આ વખતે અહીં જણાવેલી રીત અનુસાર કારેલાનું શાક ઘરે બનાવજો. જો આ રીતે કારેલાનું શાક બનાવશો તો નાના બાળકો પણ શાક સામેથી માંગી માંગીને ખાશે.
કારેલાના શાક માટેની સામગ્રી
આ પણ વાંચો: રવામાં, મેંદામાં કે ચણાના લોટમાં નહીં પડે ધનેડા, સ્ટોર કરવા માટે ફોલો આ ટીપ્સ
કારેલા - 200 ગ્રામ
ડુંગળી - 1
લસણ- 5થી 6 કળી
લીલા મરચાં - 1
તેલ
વરિયાળી - 1 ચમચી
મીઠું - સ્વાદ પ્રમાણે
હળદર
લાલ મરચું પાવડર
ધાણાજીરું પાવડર
ગોળ - જરૂર અનુસાર
આમચૂર પાવડર
કારેલાનું શાક બનાવવાની રીત
આ પણ વાંચો: ચોખાનુ પાણી ફેંકવાનું બંધ કરી લગાડો ચહેરા પર, પાર્લરના ખર્ચા વિના ચહેરા પર વધશે ગ્લો
- કારેલાની છાલ કાઢી તેને સમારી લો અને તેમાં મીઠું લગાડી તેને 10થી 15 મિનિટ માટે ઢાંકીને સાઈડમાં રાખો.
- ત્યારબાદ એક પેનમાં તેલ ગરમ મુકો. તેમાં વરીયાળી અને ઝીણા સમારેલા લસણ, મરચાંનો વધાર કરો. 2 મિનિટ પછી તેમાં ઝીણી સમારેલી ડુંગળી ઉમેરો અને 5 મિનિટ ધીમા તાપે પકાવો.
- ત્યાં સુધીમાં સમારેલા કારેલાને કપડામાં કાઢી બરાબર પાણી કાઢી લો. પાણી કાઢેલા કારેલાને ડુંગળીમાં ઉમેરી દો. કારેલા ઉમેર્યા પછી તેમાં સ્વાદ અનુસાર મીઠું ઉમેરી કારેલાને ઢાંકીને પકાવો.
આ પણ વાંચો: પેટની લટકતી ચરબીને ઝડપથી ઓગળશે 1 ચમચી હળદર, જાણો કેવી રીતે અને કયા સમયે ખાવી હળદર
- 5થી 10 મિનિટ પછી તેમાં હળદર, મરચું પાવડર, ધાણાજીરું પાવડર, આમચુર પાવડર, ગોળ ઉમેરી બરાબર મિક્સ કરો અને કારેલા ચઢી જાય ત્યાં સુધી પકાવો.
- કારેલા બરાબર પાકી જાય પછી ગરમા ગરમ શાક સર્વ કરો. આ રીતે તમે કારેલાનું શાક બનાવશો તો તે જરા પણ કડવું નહીં લાગે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે