નોકરીનો ચક્કર છોડો અને ખેતી કરો! જાણો ખેતીમાં ડબલ ઈનકમની જોરદાર ટેકનિક

નવીન ખેતીથી હજારોની કમાણી:
ખેડૂત સત્યપાલ પાસે જમીન ઓછી છે.  પરંતુ તેના પર સ્માર્ટ ખેતી કરીને તેમણે સારા પૈસા મળી શકે તેવું શાનદાર પ્લાનિંગ કર્યુ છે. જોકે ચણાને સીધી રીતે વાવવાની જગ્યાએ ખેતીમાં બેડ મેકરથી 5 ફૂટ પહોળી બેડ બનાવી હોય. તેના પછી નવીન કૃષિ યંત્ર ન્યૂમેટક પ્લાન્ટથી 2 લાઈનમાં ચણાનું વાવેતર થાય છે.  તેની વચ્ચે લાઈનથી લાઈનનું અંતર 1.5 ફૂટ રાખવામાં આવે છે. જેનાથી પાકનું મેનેજમેન્ટ કરવું સરળ બની ગયું છે. ખેડૂત સત્યપાલ બઘેલ હવે કૃષિ વિભાગના અધિકારીઓ અને કૃષિ વૈજ્ઞાનિકોની વચ્ચે પણ ઘણા લોકપ્રિય થઈ ગયા છે. તેમના ખેતર પર અનેક અધિકારી અવલોકન માટે પહોંચી રહ્યા છે. 

1 એકરમાં 96,000 રૂપિયાની કમાણી કરી:
જ્યારે ખેડૂત સત્યપાલ બઘેલના ખેતર પર કૃષિ વિભાગના અધિકારી અને વૈજ્ઞાનિક પહોંચ્યા તો તેમણે જોયું કે તે 1 એકરમાંથી 13થી 14 ક્વિન્ટલ ચણાનું ઉત્પાદન કરે છે. જેને ઈન્દોર માર્કેટમાં વેચવા પર 96,000 રૂપિયાની આવક થાય છે. જેમાં ખેતીના ખર્ચને દૂર કરી દઈએ તો સત્યપાલ સિંહને ચોખ્ખી 85,000ની ચોખ્ખી આવક થશે. સારી વાત એ છે કે ચણાની ખેતી પહેલાં સત્યપાલ સિંહે ખરીફ મકાઈની ખેતી કરી હતી. જેના મૂળિયાને સળગાવવાની જગ્યાએ મલ્ચરની સહાયતાથી માટીમાં મિક્સ કરી દીધા હતા. આ રીતે માટીમાં જૈવિક કાર્બનની માત્રા વધી ગઈ અને પાકનું બમ્પર ઉત્પાદન થવા લાગ્યું. 

પાકના નવીનીકરણથી શાકભાજીની ખેતી:
4.5 એકરમાં હજારોની કમાણીનું મોડલ કંઈ બીજું નહીં પરંતુ પાકનું વિવિધિકરણ છે. સત્યપાલ બઘેલ ચણાની ખેતીની સાથે સાથે ટામેટા, બટાકા અને લસણની ખેતી પણ કરે છે. પાકમાં વિવિધિકરણના કારણે સત્યપાલને મદદ મળી રહી છે. સત્યપાલ બઘેલનો જુસ્સો બીજા ખેડૂતોને પ્રેરિત  કરી રહ્યો છે. આ ખેડૂતોની આવક બેગણી કરવાનું શાનદાર મોડલ છે.