રિયલ એસ્ટેટ, કોમ્યુનિકેશન, ફાઈનાન્સિયલ સેક્ટર, હેલ્થકેર અને એનર્જી સહિતના અન્ય તમામ ક્ષેત્રોમાં છટણી થઈ છે. આંકડાઓ અનુસાર, કુલ 5.38 લાખમાંથી માત્ર 24 કંપનીઓએ અડધોઅડધ કર્મચારીઓને છૂટા કર્યા છે. જેની સૌથી ઓછી અસર ઉર્જા ક્ષેત્રની કંપનીઓના કર્મચારીઓ પર પડી છે. આ ક્ષેત્રમાં છ મહિનામાં માત્ર 4,000 નોકરીઓ ગઈ છે.
સ્વિત્ઝરલેન્ડમાં પણ આવશે છટણીનો દોર:
અન્ય એક અહેવાલમાં જણાવાયું છે કે સ્વિટ્ઝર્લેન્ડની સૌથી મોટી બેંક UBS પણ 36,000 કર્મચારીઓની છટણી કરવાની યોજના બનાવી રહી છે. છેલ્લા છ મહિનામાં વૈશ્વિક સ્તરે આ સૌથી મોટી છટણી હશે. જે નાણાકીય ક્ષેત્રમાં કુલ છટણીના લગભગ 29 ટકા છે. વાસ્તવમાં UBSએ ગયા મહિને મુશ્કેલીમાં મુકાયેલી ક્રેડિટ સુઈસ હસ્તગત કરી હતી. આ સાથે UBSએ કહ્યું હતું કે તે 2027 સુધીમાં તેની કિંમતમાં 8 બિલિયન ડોલરનો ઘટાડો કરશે. જેમાં છટણીનો પણ સમાવેશ થાય છે.
આ પણ વાંચો:
શું હવે ખરેખર કમોસમી વરસાદે વિદાય લીધી? જાણી લો આગામી 10 દિવસનું અપડેટ
રાશિફળ 11 એપ્રિલ: આ રાશિઓનું ભવિષ્ય ચમકશે, મહત્ત્વપૂર્ણ ડીલ થવાની શક્યતા
ગ્રહોના રાજા સૂર્ય 14 એપ્રિલના કરી રહ્યા છે ગોચર, આ 5 રાશિઓના ખૂલી જશે સુતેલું ભાગ્ય
માત્ર 24 કંપનીઓએ તેમના અડધા કર્મચારીઓને છૂટા કર્યા:
એમેઝોન 27,101
મેટા 21,000
એક્સેન્ચર 19,000
આલ્ફાબેટ 19,000
એનર્જી સેક્ટરમાં સૌથી ઓછી અસર, માત્ર 4,000 નોકરીઓ પર સંકટ
FedEx 12,000 કર્મચારીની હકાલપટ્ટી:
FedEx એ આ સમયગાળા દરમિયાન કુલ 12,000 કર્મચારીઓને બહારનો રસ્તો બતાવ્યો છે. આ લોજિસ્ટિક્સ સેક્ટરમાં કુલ છટણીના ચાર ટકા છે. માઇક્રોસોફ્ટે 11,120 કર્મચારીઓની છટણી કરી છે. આ ટેક સેક્ટરમાં કુલ છટણીના પાંચ ટકા છે.
IKEA એ 10,000 લોકોને બહાર કાઢ્યા એટલે કે રિટેલમાં કુલ છટણીના છ ટકા કર્મચારીઓની હકાલપટ્ટી કરી. હેલ્થ સેક્ટરમાં ફિલિપ્સે 13 ટકા એટલે કે 10,000 કર્મચારીઓની છટણી કરી છે. ટકાવારીની દ્રષ્ટિએ UBS-ક્રેડિટ સુઈસ મોખરે છે.
કટોકટી આગળ પણ ચાલુ રહેશે:
નિષ્ણાતો કહે છે કે સતત વધતી જતી ફુગાવાને રોકવા માટે વિશ્વભરની મધ્યસ્થ બેંકોએ વ્યાજ દરના મોરચે કડક વલણ અપનાવ્યું હતું. તેની સીધી અસર વિશ્વભરની અર્થવ્યવસ્થાઓ અને કંપનીઓની કમાણી પર પડી છે. આવકમાં ઘટાડા વચ્ચે કંપનીઓએ તેમના ખર્ચ ઘટાડવા અને નફાને સ્થિર રાખવા માટે છટણીનો માર્ગ અપનાવ્યો છે. વૈશ્વિક મંદી વચ્ચે આ ટેક કંપનીઓએ છટણી શરૂ કરી હતી. કારણ કે કોરોના સમયગાળા દરમિયાન તેમણે ઉચ્ચ પગાર પર વધુ પડતી ભરતી કરી હતી.
આ વર્ષના અંદાજો પર નિષ્ણાતોએ કહ્યું કે સ્થિતિમાં હજુ પણ સુધારો થયો નથી. જેના કારણે કંપનીઓ વધુ છટણી માટે જઈ શકે છે. તેની અસર ભારત પર પણ પડશે તે નક્કી છે.
આ પણ વાંચો:
Budh Gochar:આ રાશિના લોકો માટે વરદાન જેવા છે હવે પછીના દિવસો, થશે ધનલાભ અને મળશે સુખ
શું તમને પણ થાય છે ખુબ પરસેવો? આ રીતે મેળવો પરસેવા અને એની ગંધની રાહત
નિકોલસ પૂરનની તોફાની ઈનિંગ RCB ને ભારે પડી, રોમાંચક મેચમાં લખનઉની ટીમ જીતી
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે