દિલ્હીના દ્વારકામાં મહિલા પર જીવલેણ હુમલો, અસામાજીક તત્વોએ કર્યું ફાયરિંગ

નવી દિલ્હી: દિલ્હીમાં અસામાજીક તત્વોનો આતંક દિવસેને દિવસે વધી રહ્યો છે. તેનું ઉદાહરણ દ્વારકા વિસ્તારમાં જોવા મળ્યું. ઉત્તર દ્વારકામાં અસામાજીક તત્વોએ એક મહિલા પર જીવલેણ હુમલો કર્યો છે. અસામાજીત તત્વોએ તે દરમિયાન મહિલા પર બે રાઉન્ડ ફાયરિંગ કર્યું હતું. જેમાં એક ગોળી મહિલાના હાથમાં વાગી તો બીજી ગોળી તેના ગળાના ભાગે વાગી હતી. મહિલાને ગંભીર હાલતમાં હોસ્પિટલ લઇ જવામાં આવી છે. ત્યારે પોલીસ આ મામલે વધુ તપાસ કરી રહી છે.