)
સોશિયલ મીડિયા પર રીલ્સ અપલોડ કરવાનો ક્રેઝ ખુબ વધી ગયો છે. હાલમાં જ એવા અનેક મામલા સામે આવ્યા છે જ્યારે રીલ્સ બનાવવાના ચક્કરમાં કેટલાય લોકોએ જીવ ગુમાવ્યા. આવો જ એક મામલો સામે આવ્યો છે. જ્યાં રીલ બનાવવાના ચક્કરમાં એક વ્યક્તિનું મોત થયું હોવાનું પણ કહેવાય છે. બે યુવકો બાઈક પર જઈ રહ્યા હતા અને વીડિયો બનાવવાના ચક્કરમાં તેમની બાઈકનો અકસ્માત થઈ ગયો અને એક વ્યક્તિનું તો ઘટનાસ્થળે જ મોત થઈ ગયું. સોશિયલ મીડિયામાંઆ ઘટનાનો વીડિયો પણ સામે આવ્યો છે જે ખુબ વાયરલ થઈ રહ્યો છે.
મીડિયા રિપોર્ટ્સ મુજબ આ મામલો મહારાષ્ટ્રમાં ધુલે-સોલાપુર હાઈવેનો છે. વાયરલ થઈ રહેલા આ વીડિયોમાં જોવા મળી રહ્યું છે કે બે યુવકો હાઈવે પર બાઈકથી જઈ રહ્યા હતાઅને ત્યારે પાછળ બેઠેલો વ્યક્તિ વીડિયો બનાવવા લાગે છે. ત્યારબાદ બાઈક ચલાવી રહેલો વ્યક્તિ વીડિયોમાં પોઝ આપવા માટે પાછળ મોબાઈલ કેમેરા તરફ જુએ છે. આવામાં ધ્યાન કેમેરા તરફ રહેવાથી બાઈકનો અકસ્માત થાય છે. આ વીડિયો સોશિયલ મીડિયામાં ખુબ વાયરલ થઈ રહ્યો છે અને રીલ્સના પાગલપણા વિશે લોકો કમેન્ટ પણ કરી રહ્યા છે.
चलती बाइक पर रील बनाने के दौरान दो युवकों का एक्सीडेंट. हादसे में एक की मौके पर ही मौत, जबकि एक गंभीर रुप से घायल. हादसा धुले-सोलापुर हाईवे पर बीड बाईपास पर हुआ.#Reel #Viral #Accident #viralvideo #highway pic.twitter.com/fDYvro8nWe
— A. K. (@1n7MAb8AWsSmze5) July 6, 2024
વીડિયોમાં જોવા મળે છે કે કઈ રીતે બાઈકનો અકસ્માત થાય છે અને પછી કેમેરા સ્ટેબલ થઈ જાય છે. રિપોર્ટ્સ મુજબ આ અકસ્માતમાં એક વ્યક્તિએ જીવ ગુમાવ્યો છે જ્યારે એક વ્યક્તિ ગંભીર રીતે ઘાયલ છે. બાઈક ચલાવી રહેલા યુવકો વિશે કોઈ માહિતી હજુ સામે આવી નથી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
