ઉત્તરાખંડની તબાહી બાદ આખી વાદી કાદવથી ભરાઈ, ડ્રોનથી લેવાયેલા આ ફૂટેજ જોઈ વિશ્વાસ નહિ થાય

ચમોલી (Chamoli Glacier Burst) ની ઘટનામા મરનારાઓની સંખ્યા 31 પર પહોંચી છે. જ્યારે કે, 171 લોકોની શોધ હજી પણ ચાલુ છે. આજે રેસ્કયૂમાં પાંચ મૃતદેહ મળી આવ્યા છે. તપોવનની ટનલમાં ઘૂસવાનું કામ ચાલી રહ્યું છે. પરંતુ અંદર જવા માટે સફળતા મળી નથી. પરંતુ હાલ આ હોનારત બાદની રેસ્ક્યૂ કામગીરી (Rescue Operation) નો વીડિયો સામે આવ્યો છે. ગુજરાતની ખાનગી ડ્રોન કંપનીના ડ્રોન કેમેરાની મદદ ઉત્તરાખંડ સરકારે લીધી છે. કંપનીએ બનાવેલ વીડિયો ઝી 24 કલાક સાથે શેર કર્યો છે. 

ઉત્તરાખંડ સરકારે રેસ્ક્યૂ માટે ગુજરાતની ડ્રોન કંપનીની મદદ લીધી, જેણે ટનલથી નદી સુધીના ડ્રોન ફૂટેજ શેર કર્યાં #Uttarakhand #UttarakhandDisaster #UttarakhandGlacierBurst #Chamoli #ChamoliGlacierBurst pic.twitter.com/kKWECbxCm9

— Zee 24 Kalak (@Zee24Kalak) February 9, 2021

ઉત્તરાખંડ (Uttarakhand) સરકાર દ્વારા રેસ્ક્યૂ કામગીરી માટે જે ડ્રોન કેમેરાની મદદ લેવાઈ છે, તે મહેસાણાની પ્રાઈમ યુએવી કંપનીના કેમેરા છે. જેમાં ટનલથી માંડીને નદીના ડ્રોન ફૂટેજ સામે આવ્યા છે. હાલમાં રેસ્ક્યૂમાં ડ્રોનની મદદ લેવાઇ રહી છે. હાલમાં રેસ્ક્યૂ દરમિયાન પ્રાઈમ યુએવી ડ્રોન કંપનીનું ડ્રોન સ્થળ ઉપર હાજર છે. 

આ ઘટના વિશે ઉત્તરાખંડના ડીજીપી અશોક કુમારે જણાવ્યું કે, ટનલમાંથી કીચડનો કાટમાળ ક્યારે હટાવી શકાશે તે વિશે હજી કંઈ કહી શકાતુ નથી. અમે એન્જિનિયર્સને ટનલમાં જવા માટે વૈકલ્પિક રસ્તો બનાવવા કહ્યું છે. અમે આજે તેન પ્રયોગ કરીને જોઈશું. ટનલ 2.5 કિલોમીટર લાંબી છે. તેથી એવુ ન વિચારો કે તેમાં પાણી અને ઓક્સિજન જલ્દી ખતમ થઈ જશે.