Sonali Phogat Last Instagram Post: સોશિયલ મીડિયા સ્ટાર અને ભારતીય જનતા પાર્ટીના નેતા સોનાલી ફોગાટના નિધનના સમાચારથી બધાને આઘાત લાગ્યો છે. માત્ર 42 વર્ષની ઉંમરે સોનાલી ફોગાટને ગોવામાં એટેક આવ્યો અને નિધન થયું. એવું કહેવાય છે કે સોનાલી પોતાના કેટલાક સ્ટાફ મેમ્બર્સ સાથે ગોવા ગયા હતા અને મોતની ગણતરીની પળો પહેલા તેમણે ઈન્સ્ટાગ્રામ પર પોતાનો વીડિયો શેર કર્યો હતો.
સોનાલી ફોગાટનો અંતિમ વીડિયો
ટિકટોકથી જાણીતા થયેલા સોનાલી ફોગાટ સોશિયલ મીડિયા પર ખુબ ચર્ચામાં રહેતા હતા અને પોતાના એકથી એક ચડિયાતા અને શાનદાર વીડિયો અને તસવીરો શેર કરતા રહેતા હતા. સોનાલી ફોગાટે મોતની ગણતરીની પળો પહેલા પોતાનો એક વીડિયો ફેન્સ સાથે શેર કર્યો હતો. આ વીડિયોની વાત કરીએ તો સોનાલી ફોગાટ ગુલાબી પાઘડી પહેરીને બોલીવુડના રેટ્રો સોંગ 'રૂખ સે જરા નકાબ હટા દો' પર રીલ બનાવતા અને એક્સપ્રેસ આપતા જોવા મળે છે. આ વીડિયોમાં સોનાલી ખુશીથી દોડતા પણ જોવા મળે છે.
આ જુઓ સોનાલી ફોગાટની અંતિમ ઈન્સ્ટાગ્રામ પોસ્ટ
સુંદર તસવીરો પણ શેર કરી હતી
મોત પહેલા સોનાલીએ પોતાની ખુબસુરત સેલ્ફીઓ પણ ફેન્સ સાથે શેર કરી હતી. સોશિયલ મીડિયા યૂઝર્સ હવે આ પોસ્ટ જોઈને આશ્ચર્ય વ્યક્ત કરી રહ્યા છે અને તેમના આત્માની શાંતિની કામના કરતા કમેન્ટ બોક્સમાં શ્રદ્ધાંજલિ પણ આપી રહ્યા છે.
સોનાલી ફોગાટ વિશે
સોનાલી ફોગટનો જન્મ 21 સપ્ટેમ્બર 1979ના રોજ હરિયાણાના હિસારના એક નાનકડા ગામ ભૂટાનમાં થયો હતો. સોનાલીના પિતા ખેડૂત છે અને ખેતીવાડી સંભાળે છે. પરિવારમાં ત્રણ બહેનો અને એક ભાઈ છે. તેમણે નોઈડા સેક્ટર એકમાં સ્થિત એક ઈન્સ્ટિટ્યૂટથી અભ્યાસ કર્યો હતો. તેમણે પોતાની કરિયરની શરૂઆત હિસાર દુરદર્શનમાં એંકર તરીકે કરી હતી. એંકરિંગ દરમિયાન ભાજપના નેશનલ વર્કિંગ કમિટિ સાથે જોડાયા. ત્યારબાદ તેમને અનેક રોલ ઓફર થયા અને તેમણે એંકરિંગ છોડીને એક્ટિંગની દુનિયામાં ડગ માંડ્યા. તેમણે રવિ કિશન, જિમી શેરગિલ જેવા કલાકારો સાથે કામ કર્યું છે. ઝી ટીવી પર પ્રસારિત 'અમ્મા'માં નવા શાહની પત્નીની ભૂમિકા ભજવી હતી.
Sonali Phogat: ટિકટોક સ્ટાર સોનાલી ફોગાટનું હાર્ટ એટેકથી નિધન, ભાજપની ટિકિટ પર લડી હતી ચૂંટણી
સોનાલી ફોગટના લગ્ન હિસારમાં રહેતા નેતા સંજય ફોગટ સાથે થયા છે. વર્ષ 2016માં તેમના પતિ સંજય ફોગટનું શંકાસ્પદ સ્થિતિમાં મૃત્યુ થયું હતું. તેમનો મૃતદેહ તેમના ફાર્મહાઉસમાં મળી આવ્યો હતો. સંજય ફોગટ ભાજપના નેતા હતા. પતિના મોત બાદ સોનાલી ભાજપ સાથે જોડાઈ ગયા. સોનાલી અને સંજયની એક પુત્રી પણ છે.
રાજકીય કારકિર્દી
સોનાલી ફોગટ હરિયાણાની મહિલા વિંગની પાર્ટી ઉપાધ્યક્ષ અને હરિયાણા કલા પરિષદના હિસાર જોનલના દિગ્દર્શક પણ છે. ભાજપના સભ્ય તરીકે તેમણે ઝારખંડ અને મધ્ય પ્રદેશ ચૂંટણી રેલીઓમાં પણ ભાગ લીધો હતો. ટિકટોક પર તેઓ ખુબ લોકપ્રિય છે અને તેમના વીડિયોને લોકો પસંદ પણ કરે છે. 2019માં થયેલી હરિયાણા વિધાનસભા ચૂંટણીમાં તેમણે ભાજપ તરફથી આદમપુર બેઠકથી ચૂંટણી લડી હતી. વિધાનસભા ચૂંટણી દરમિયાન તેમણે ભારત માતાની જયના નારા લગાવવાનું આહ્વાન પણ કર્યું હતું. નારા ન લગાવનારાઓને પાકિસ્તાની કહ્યા હતા. આ સ્ટેટમેન્ટ બાદ તેઓ ખાસ્સા વિવાદમાં પણ આવ્યા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે