Side Effects of Vaccines: બીજી રસીથી કેટલી અલગ છે રશિયાની Sputnik-V? જાણો શું છે તેની સાઈડ ઈફેક્ટ્સ?

સોમવારે ડ્રગ કંટ્રોલરે રશિયાની રસી Sputnik-Vના ઈમરજન્સી ઉપયોગની મંજૂરી આપી દીધી છે. તેની સાથે જ કોવેક્સિન અને કોવિશીલ્ડ પછી Sputnik-V ત્રીજી રસી છે, જેને ભારતે મંજૂરી આપી છે. ભારત દુનિયાનો 60મો દેશ છે જેણે Sputnik-V ને મંજૂરી આપી છે. કોરોના સંક્રમણ સામે રશિયાની રસી Sputnik-V ની એફિકેસી ફાઈઝર-બાયોનટેક અને મોડર્નાની રસી પછી સૌથી વધારે એટલે કે 91.6 ટકા છે. 

Covid Vaccine: ભારતને મળી ત્રીજી કોરોના રસી, DCGI એ 'Sputnik V' ને આપી મંજૂરી

શું કહે છે Sputnik-V રસીનો ડેટા: 
સાયન્સ જર્નલ લેન્સેટના જણાવ્યા પ્રમાણે 60 વર્ષથી ઉપરના લોકો પર જ્યારે Sputnik-V ની ટ્રાયલ કરવામાં આવી ત્યારે પહેલો ડોઝ લાગ્યા પછી 21 દિવસ પછી તે લોકોમાં કોરોનાના ગંભીર કે મધ્યમ લક્ષણો જોવા મળ્યા ન હતા. અને આ એઝ ગ્રૂપમાં તેની એફિકેસી રેટ 91.8 ટકા નોંધવામાં આવી હતી. આ પ્રમાણે એ પરિણામ કાઢવામાં આવ્યું કે કોરોનાના ગંભીર કે મધ્યમ દર્દીઓ સામે રસી 100% સફળ છે. તે સિવાય રશિયામાં 18 વર્ષથી ઉપરના 20 હજારથી વધારે વોલંટિયર્સ પર ટ્રાયલ કરવામાં આવી હતી. કુલ મળીને એ સામે આવ્યું કે કોરોના સામે રસી 91.6 ટકા અસરકારક છે. ભારતમાં 1300 વોલંટિયર્સ પર ફેઝ-3માં તેની ટ્રાયલ કરવામાં આવી છે. જેના પરિણામ જૂન 2021 સુધી સામે આવવાની સંભાવના છે. 

તેને ક્યાં સ્ટોર કરવામાં આવશે: 
રસીને લઈને સૌથી મોટી મુશ્કેલી તેના સ્ટોરેજને લઈને થાય છે. પરંતુ રશિયાની રસી સાથે આ મુશ્કેલી નહીં થાય. Sputnik-V ની સાથે સારી વાત એ છે કે તેને 2થી 8 ડિગ્રી સેલ્સિયસ તાપમાનમાં સ્ટોર કરી શકાય છે. જે હાલની કોલ્ડ ચેન સપ્લાયમાં સરળતાથી ઉપલબ્ધ છે. એટલે તેના માટે કોલ્ડ ચેન ઈન્ફ્રાસ્ટ્રક્ચરમાં ખર્ચ કરવાની જરૂરિયાત નહીં પડે. 

તેની કિંમત શું હોઈ શકે છે: 
હજુ તેની કિંમતની કોઈ સત્તાવાર માહિતી સામે આવી નથી. પરંતુ માનવામાં આવી રહ્યું છે કે Sputnik-V રસીના એક ડોઝની કિંમત 10 ડોલરથી પણ ઓછી હશે. જે હાલના હિસાબે રૂપિયામાં ગણીએ તો 750 રૂપિયાની આસપાસ થાય છે. આપણા દેશમાં હાલ જે કોવેક્સિન અને કોવિશીલ્ડ મળી રહી છે તેના એક ડોઝની કિંમત 250 રૂપિયા છે. જ્યારે સરકારી હોસ્પિટલમાં તેને ફ્રીમાં મૂકવામાં આવી રહી છે. 

આ રસી કેવી રીતે કામ કરે છે: 
આ રસીનો એક ડોઝ 0.5 મિલીનો છે. જે ઈમ્યુનિટી બુસ્ટ કરે છે. પરંતુ રશિયાની આ રસી અનેક રીતે બીજી રસી કરતાં અલગ છે. કોવિશીલ્ડની જેમ આ રસી એડેનોવાયરસ વેક્ટરમાંથી બનાવવામાં આવી છે. પરંતુ તેના બંને ડોઝના વેક્ટર અલગ-અલગ છે. Sputnik-V  રસીનો પહેલો ડોઝ rAD26 પર આધારિત છે. જ્યારે બીજો ડોઝ rAD5 પર આધારિત છે. પરંતુ આ બંને વેક્ટર કોરોનાવાયરસની સામે પૂરતી એન્ટીબોડી તૈયાર કરે છે. આ બંને વેક્ટર કોવિડ-19 સામે જવાબદાર સ્પાઈક પ્રોટીનને ટારગેટ કરે છે અને તેને ખતમ કરે છે. બંને ડોઝમાં અલગ-અલગ વેક્ટર ઉપયોગ કરવા પાછળનો તર્ક એ છે કે તેનાથી વધારે લાંબા સમય સુધી એન્ટીબોડી તૈયાર થઈ શકે છે. 

શું તેની કોઈ સાઈડ ઈફેક્ટ પણ છે: 
આ રસીને લઈને અત્યાર સુધી કોઈપણ જાતની ગંભીર સાઈડ ઈફેક્ટ સામે આવી નથી. જોકે રસી લાગ્યા પછી સામાન્ય તાવ, દુખાવો, થાક જેવી સામાન્ય સાઈડ ઈફેક્ટ છે. પરંતુ તેનાથી કોઈ ગંભીર બીમારી કે મૃત્યુનો કેસ સામે આવ્યો નથી. લેન્સેટમાં છપાયેલા ડેટાનું માનીએ તો જે 19,866 વોલંટિયર્સને Sputnik-V રસીના બંને ડોઝ આપવામાં આવ્યા છે. તેમાંથી માત્ર 70 લોકોમાં જ ગંભીર સાઈડ ઈફેક્ટ જોવા મળી હતી. તેમાંથી પણ 23 એવા હતા જે પ્લેસિબો ગ્રૂપના હતા એટલે તે લોકો ટ્રાયલમાં હતા પરંતુ તેને રસી લગાવવામાં આવી ન હતી. ટ્રાયલ દરમિયાન 4 વોલંટિયર્સના મૃત્યુ થયા હતા. પરંતુ આ તે લોકો હતા જેમને પહેલાંથી જ કોઈ ગંભીર બીમારી હતી. 

ભારતમાં કોણ બનાવશે આ રસી: 
જે પ્રમાણે ઓક્સફર્ડ-એસ્ટ્રાજેનેકાની રસીને સીરમ ઈન્સ્ટીટ્યૂટ બનાવી રહ્યું છે. તે જ પ્રમાણે રશિયાની રસીને ભારતની ડૉ.રેડ્ડી લેબ બનાવશે. Sputnik-V ને રશિયાના ગામેલિયા ઈન્સ્ટીટ્યૂટે રશિયન ડાયરેક્ટ ઈન્વેસ્ટમેન્ટ ફંડ (RDIF)ની ફંડિગથી બનાવી છે. ભારતમાં Sputnik-V ને હૈદરાબાદની ડૉ.રેડ્ડી લેબ્સ સાથે મળીને ટ્રાયલ કરીછે. અને તેના પ્રોડક્શનનું કામ પણ આ લેબ જ સંભાળી રહી છે. ડૉ.રેડ્ડી લેબ ઉપરાંત RDIFએ 5 ભારતીય કંપનીઓની સાથે રસીના પ્રોડક્શન માટે ટાઈ-અપ કર્યું છે. તે અંતર્ગત વર્ષમાં Sputnik-V ના 40થી 50 કરોડ ડોઝ બનાવવામાં આવશે. જ્યારે દુનિયાની વાત કરીએ તો રસીના પ્રોડક્શન માટે RDIFએ 10થી વધારે દેશની કંપનીઓ સાથે કરાર કર્યો છે. જેથી વર્ષમાં 70 કરોડથી વધારે ડોઝ તૈયાર થઈ શકે. 

કયા-કયા દેશોમાં ઉપયોગ થઈ રહ્યો છે Sputnik-V નો: 
Sputnik-V દુનિયાની પહેલી કોરોના રસી છે. જેને ગયા વર્ષે 12 ઓગસ્ટે રશિયાની સરકારે ઈમરજન્સી યૂઝ માટે મંજૂરી આપી દીધી હતી. અત્યાર સુધી આ રસીનો ઉપયોગ 59 દેશ કરી રહ્યા છે. ભારત 60મો દેશ છે. જેણે Sputnik-V ના ઉપયોગની મંજૂરી આપી છે. Sputnik-V  રસીનો ઉપયોગ કરનારા દેશોમાં આર્જેન્ટિના, બોલીવિયા, સર્બિયા, અલ્જીરિયા, ફિલીસ્તીન, મ્યાનમાર, પાકિસ્તાન, મંગોલિયા, બહેરીન, ઉઝબેકિસ્તાન, સેન-મરીનો, સીરિયા, કિર્ગીસ્તાન, ઈજિપ્ત, હોન્ડુરાસ, ગ્વાટેમાલા, માલડોવા, સ્લોવેકિયા, અંગોલા, શ્રીલંકા, ઈરાક, કેન્યા, મોરોક્કો, જોર્ડન, સેશલ્સ, મોરેશિયસ, વિયેતનામ, માલી અને પનામા સહિત 59 દેશનો સમાવેશ થાય છે. 

Corona બન્યો ખતરનાક, RT-PCR ટેસ્ટને પણ આપે છે થાપ, લક્ષણોવાળા દર્દીના રિપોર્ટ આવે છે નેગેટિવ

Corona Update: કોરોનાનો ભયંકર પ્રકોપ, 24 કલાકમાં 1.61 લાખથી વધુ કેસ, 879 લોકોના મૃત્યુ

Video: કોરોનાકાળમાં ડોક્ટરે રડતાં રડતાં આપ્યું રાજીનામું, કોંગ્રેસના 2 નેતા સામે કેસ દાખલ

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube