)
નવી દિલ્હી: ભારતીય રિઝર્વ બેંક (આરબીઆઈ)એ જાહેરાત કરી છે કે બહુ જલદી 20 રૂપિયાની નવી નોટ બહાર પાડવામાં આવશે. મહાત્મા ગાધીની નવી સિરીઝની આ નોટોમાં આરબીઆઈ ગવર્નર શક્તિકાંત દાસના હસ્તાક્ષર હશે. આ અંગે આરબીઆઈએ એક નિવેદન બહાર પાડીને કહ્યું કે 20 રૂપિયાની નવી નોટ હળવા લીલા- પીળા રંગની (greeish yellow) હશે. તેની પાછળ સાઈડ (રિવર્સ) પર દેશની સાંસ્કૃતિક વારસાની ઝલક તરીકે ઈલોરાની ગુફાઓનું ચિત્ર હશે.
જો કે આ સાથે રિઝર્વ બેંકે એ સ્પષ્ટ કર્યું છે કે જે પહેલાની 20 રૂપિયાની નોટ ચલણમાં છે તે કાયદાકીય રીતે માન્ય જ ગણાશે. ડિઝાઈનની રીતે જો 20 રૂપિયાની નોટ જોઈએ તો તેની મધ્યમાં મહાત્મા ગાંધીનું ચિત્ર હશે.
જુઓ LIVE TV
આ સાથે જ ગેરંટી ક્લોઝની સાથે સુક્ષ્મ રીતે RBI, Bharat, India, અને 20 લખ્યું હશે. ગવર્નરના હસ્તાક્ષર હશે. આ સાથે જ મહાત્મા ગાંધીની તસવીરની જમણી બાજુ આરબીઆઈનું ચિન્હ હશે. તથા અશોક સ્તંભનું પણ ચિન્હ તથા 20 રૂપિયાનો વોટરમાર્ક પણ જોવા મળશે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
