24 વર્ષ જૂનો ડ્રીમ પ્રોજેક્ટ આખરે પૂરો થશે, રાજસ્થાનથી કચ્છ સુધી બનશે વિદેશ જેવો વોટર-વે

બાડમેરમાં ડ્રાય પોર્ટ બનાવવામાં આવશે
આ અંગે તાજેતરમાં એક સમિતિની રચના કરવામાં આવી છે. બાડમેરમાં 490 કિલોમીટર લાંબી નહેર દ્વારા ગુજરાતના કચ્છના રણને બાડમેરના બખાસરથી જોડીને બાડમેરમાં ડ્રાય પોર્ટ બનાવવામાં આવશે. આ માટે કેન્દ્ર સરકારની સૂચના પર રાજ્યએ આ સમિતિની રચના કરી છે.

સુરત બાદ હવે ગુજરાતના આ શહેરનો વારો, ત્રણ દિવસમાં 11 લોકોના ધબકારા બંધ થયા

બખાસરમાં બંદર બનાવવાની યોજના 24 વર્ષ પહેલા બની હતી
બાડમેરથી ગુજરાત સુધી કૃત્રિમ કેનાલ દ્વારા બખાસર ખાતે બંદર બનાવવાની યોજના વર્ષ 2000માં અમલમાં મૂકાઈ હતી. વર્ષ 2014માં તત્કાલિન મુખ્યમંત્રી વસુંધરા રાજે અને સ્થાનિક સાંસદ કર્નલ સોનારામ ચૌધરીએ બાડમેરના લોકોને આ સપનું બતાવ્યું હતું. મુખ્ય મુદ્દાઓમાં આનો સમાવેશ કરવામાં આવ્યો હતો. આ પછી છેલ્લા 10 વર્ષમાં જનપ્રતિનિધિઓની ઉદાસીનતાના કારણે આ સપનું અધૂરું રહી ગયું હતું.

બાડમેરમાં ક્રૂડ ઓઈલ, કોલસો અને ખનિજોનો પુષ્કળ ભંડાર છે
બાડમેરમાં ક્રૂડ ઓઈલ, કોલસો અને ખનિજોનો પુષ્કળ ભંડાર જોવા મળે છે. ઘણી કંપનીઓ આ ક્ષેત્રમાં લાંબા સમયથી કામ કરી રહી છે. HPCL અને રાજ્ય સરકાર પચપાદરામાં રિફાઈનરી સ્થાપી રહી છે. આવી સ્થિતિમાં ડ્રાય પોર્ટના નિર્માણથી જિલ્લા સહિત રાજ્યને ફાયદો થશે.

 

ગુજરાતમાં ચાર દિવસ હીટવેવનું તાંડવ : અંબાલાલ પટેલની નવી આગાહીથી હચમચી જશો

રાજસ્થાન માટે આયાત-નિકાસનું મોટું કેન્દ્ર બનશે
બાડમેરમાં તેલ, ગેસ, કોલસો અને ખનિજોનો ભંડાર છે. જેના કારણે રાજ્યને માત્ર તેલમાંથી અંદાજે રૂ.10 કરોડની આવક થઈ રહી છે. ડ્રાય પોર્ટ દ્વારા બાડમેરને અરબ થઈને ઈઝરાયેલ સાથે જોડવામાં આવશે. રાજસ્થાન માટે આ આયાત-નિકાસનું મોટું કેન્દ્ર હશે.

24 વર્ષ પહેલાનું સપનું
24 વર્ષ પહેલા ગુજરાતમાં બાડમેરના બખાસરથી મુંદ્રા સુધી 150 કિલોમીટર લાંબી કૃત્રિમ કેનાલ બનાવવાની યોજના બનાવવામાં આવી હતી. અહીં ડ્રાય પોર્ટ વિકસાવવાનો અને તેને કચ્છના રણ સાથે જોડીને દરિયામાંથી આયાત માટે નવું બંદર બનાવવાનો વિચાર હતો. પરિવહન મંત્રી નીતિન ગડકરીએ પણ આ યોજનામાં રસ લીધો હતો. આ યોજના હજુ સાકાર થઈ શકી નથી.

ગુજરાતની જાણીતી લોકગાયિકા રાજલ બારોટે કરી સગાઈ, શુભ પ્રસંગની તસવીરો આવી સામે