પીએમ મોદીના કોંગ્રેસ પર આકરા પ્રહાર, કહ્યું-'મુકાબલો કરવાની હિંમત નથી એટલે હવે...'

વડાપ્રધાન નરેન્દ્ર મોદીએ આજે કહ્યું કે કોંગ્રેસ પાર્ટી જો એમ વિચારી રહી હોય કે મોદીના માતાને ગાળો આપવાથી તેમની ડિપોઝીટ બચી જશે તો તેઓ સમજી લે કે મધ્ય પ્રદેશની જનતા કોંગ્રેસ પાર્ટીને જડબાતોડ જવાબ આપશે. તેમણે કહ્યું કે કોંગ્રેસ પાર્ટી જેટલી ગાળો મામા શિવરાજને આપશે તેટલો જ જવાબ મધ્ય પ્રદેશના તેમના ભાણીયા અને ભાણીઓ આપવાના છે. નોટોની હેરાફેરીમાં જે લોકોએ જામીન પર ફરવું પડે છે તેઓ આજે લાલઘૂમ થઈને ફરી રહ્યાં છે. ખોટા અને પોકળ વચનો પર વિશ્વાસ ન કરો, સરકાર કામ કરે તેવી જ પસંદ કરો. વિકાસને સાથ આપો, ભાજપને મત આપો. 

Jis maa ko rajneeti ka 'R' maloom nahi hai, jo maa apni puja paath, ghar mein bhagwan ke smaran mein apna samay bita rahi hai us maa ko rajneeti mein ghaseet ke liye. Congress ke log Modi se mukabla karne ki aapki taakat nahi hai: PM Modi in Chhatarpur, Madhya Pradesh pic.twitter.com/FmlHsvJVU4

— ANI (@ANI) November 24, 2018

પીએમ મોદીએ કહ્યું કે 'શિવરાજને ગાળો ભાંડતા પહેલા કોંગ્રેસના 'નામદાર'એ પોતાના ક્વોત્રોચીમામાને યાદ કર્યા હોત તો સારૂ થાત, જેમને તમારા પપ્પાએ બોફોર્સ કૌબાંડમાં હિન્દુસ્તાનની સુરક્ષા માટે ફાળવવામાં આવેલા ધનની ચોરી કરવાની પરમિટ આપી હતી.' નામદાર ભોપાલ ગેસ કાંડમાં હજારો લોકોની મોતના ગુનેહગાર તમારા મામા એન્ડરસનને પણ યાદ કરી લેત. જેમને તમારા પપ્પાએ ખાસ વિમાનથી રાતો રાત ભારતથી અમેરિકા મોકલી દીધા હતાં. 

અત્રે જણાવવાનું કે કોંગ્રેસના નેતા રાજ બબ્બરે ઈન્દોરમાં ગુરુવારે એક રેલી દરમિયાન વડાપ્રધાન નરેન્દ્ર મોદી પર નિશાન સાધ્યું હતું. તેમણે વિવાદાસ્પદ નિવેદન આપતા કહ્યું હતું કે 'જ્યારે તેઓ (પીએમ મોદી) કહેતા હતાં કે ડોલર સામે રૂપિયો આટલો ગગડી ગયો છે, ત્યારે તે સમયે તેઓ પીએમની ઉંમર ગણાવીને કહેતા હતાં કે તેમની ઉમર સુધી જઈ રહ્યો છે. પહેલા તો રૂપિયો વડાપ્રધાનની ઉંમર સુધી ગગડ્યો અને હવે તો વડાપ્રધાનના પૂજનીય માતાજીની ઉમરથી પણ નીચે ગગડી ગયો છે.'