President Election: શું તમે જાણો છો, આપણા દેશમાં રાષ્ટ્રપતિને એક મહિનામાં કેટલી સેલેરી આપવામાં આવે છે? આ ઉપરાંત તેમને અન્ય કંઈ-કંઈ સુવિધા આપવામાં આવે છે? તો ચાલો આજે તેના પર એક નજર નાંખીએ. તમને જણાવી દઈએ કે, ચૂંટણી પંચે ગુરુવારે ભારતના રાષ્ટ્રપતિની ચૂંટણીની જાહેરાત કરી છે.
18મી જુલાઈએ ચૂંટણી યોજાશે અને 21મી જુલાઈએ મતગણતરી થશે. ચૂંટણી મંડળમાં 4,809 સાંસદો અને ધારાસભ્યો હશે જે રાષ્ટ્રપતિ રામનાથ કોવિંદના અનુગામીની પસંદગી કરશે. રાષ્ટ્રપતિ રામનાથ કોવિંદનો કાર્યકાળ 24 જુલાઈએ પૂરો થઈ રહ્યો છે. આ પહેલા આગામી રાષ્ટ્રપતિની નિમણૂક કરવામાં આવશે. જો કે, અત્યાર સુધી કોઈપણ રાજકીય પક્ષે ટોચના બંધારણીય પદ માટે તેના ઉમેદવારના નામની જાહેરાત કરી નથી.
Rajya Sabha Election 2022: રાજ્યસભાની 16 બેઠકો માટે આજે મતદાન, રાષ્ટ્રપતિ ચૂંટણી પર પડશે અસર
પ્રમુખપદની ચૂંટણી
આજે અમે તમારા માટે રાષ્ટ્રપતિ પદ સાથે જોડાયેલી કેટલીક મહત્વપૂર્ણ અને રસપ્રદ માહિતી જણાવવા જઈ રહ્યા છીએ. રાષ્ટ્રપતિ ભારતના વડા હોવાની સાથે ભારતના પ્રથમ નાગરિક પણ હોય છે. ભારતના રાષ્ટ્રપતિ ભારતીય સશસ્ત્ર દળોના કમાન્ડર-ઇન-ચીફ પણ હોય છે. ભારતમાં રાષ્ટ્રપતિની ચૂંટણી ચૂંટણી મંડળના સભ્યો દ્વારા કરવામાં આવે છે, જેમાં સંસદના બંને ગૃહો, રાજ્યોની વિધાનસભાઓ અને કેન્દ્રશાસિત પ્રદેશોના ચૂંટાયેલા સભ્યોનો સમાવેશ થાય છે.
રાષ્ટ્રપતિ ગૃહ
રાષ્ટ્રપતિ રાષ્ટ્રપતિ ભવનમાં રહે છે. ભારતનું રાષ્ટ્રપતિ ભવન એ વિશ્વનું સૌથી મોટું રાષ્ટ્રપતિ ભવન છે. ભારતના રાષ્ટ્રપતિના પગાર અને ભથ્થાઓ ભારતની સંસદ દ્વારા નક્કી કરવામાં આવે છે. ચાલો રાષ્ટ્રપતિના પગાર પર એક નજર કરીએ.
Presidential Candidate: વિપક્ષ તરફથી કોણ હશે રાષ્ટ્રપતિ પદના ઉમેદવાર? જાણો ટોપ પર કોનું છે નામ
રાષ્ટ્રપતિનો પગાર
ભારતના રાષ્ટ્રપતિનો પગાર દર મહિને રૂ. 5 લાખ જેટલો હોય છે. ભારતના રાષ્ટ્રપતિને માસિક પગાર ઉપરાંત અનેક ભથ્થાઓ પણ મળે છે. અહીં કેટલાક લાભો જણાવીએ છીએ.
આવાસ
રાષ્ટ્રપતિ ભવન એ ભારતના રાષ્ટ્રપતિનું સત્તાવાર નિવાસસ્થાન છે. નવી દિલ્હીમાં સ્થિત રાષ્ટ્રપતિ ભવનમાં 340 રૂમ અને 2,00,000 ચોરસ ફૂટનો ફ્લોર એરિયા છે.
તબીબી સુવિધાઓ
ભારતના રાષ્ટ્રપતિ જીવનભર મફત તબીબી સેવાઓ માટે હકદાર છે.
સુરક્ષા
ભારતના રાષ્ટ્રપતિ કસ્ટમ-બિલ્ટ બ્લેક મર્સિડીઝ બેન્ઝ S600 (W221) પુલમેન ગાર્ડને હક્કદાર હોય છે. રાષ્ટ્રપતિ પાસે સત્તાવાર યાત્રાઓ માટે શસ્ત્રોથી સજ્જ લાંબી લિમોઝિન પણ સાથે હોય છે.
ભારતના રાષ્ટ્રપતિ નિવૃત્તિ પછી ઘણા ભથ્થા મેળવવા માટે હકદાર હોય છે. નિવૃત્તિ બાદ તેમને દર મહિને 1.5 લાખ રૂપિયા પેન્શન તરીકે મળે છે. તેની સાથે, રાષ્ટ્રપતિના જીવનસાથીને દર મહિને 30,000 રૂપિયાની સચિવ સહાયતા મળે છે. પેન્શનની સાથે તેમને એક ફર્નિશ્ડ રેન્ટ ફ્રી બંગલો (ટાઈપ VIII) પણ આપવામાં આવે છે. આ સાથે બે ફ્રી લેન્ડલાઈન અને એક મોબાઈલ ફોન આપવામાં આવે છે.
આટલું જ નહીં, નિવૃત્ત થયા પછી તેમને પાંચ ખાનગી કર્મચારીઓ અને સ્ટાફનો ખર્ચ 60,000 રૂપિયાનો પ્રતિ વર્ષ ખર્ચ આપવામાં આવે છે. સાથે જ ટ્રેન કે હવાઈ મુસાફરીમાં એક સાથીની સાથે મફત મુસાફરી પણ આપવામાં આવે છે.
2008 પહેલા 50 હજાર રૂપિયા પગાર હતો
જણાવી દઈએ કે 2017માં થયેલ પગારવધારા પહેલાં 2008માં પણ રાષ્ટ્રપતિનો પગાર વધારવામાં આવ્યો હતો. 2008 પહેલાં સુધી રાષ્ટ્રપતિને પ્રતિ માસ 50 હજાર રૂપિયાનો પગાર મળતો હતો. ઉલ્લેખનીય છે કે ભારતના રાષ્ટ્રપતિ દેશના સર્વોચ્ચ નાગરિક હોય છે અને તેમને પ્રથમ નાગરિક પણ કહેવાય છે. આની સાથે જ રાષ્ટ્રપતિ દેશની ત્રણે સેનાના સુપ્રીમ કમાંડર હોય છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે