Himachal Pradesh: પીએમ મોદીએ સુખવિંદર સિંહ સુક્ખુને આપી શુભેચ્છા, કહ્યું- કેન્દ્ર તરફથી સહયોગ મળશે

પ્રધાનમંત્રી નરેન્દ્ર મોદીએ ટ્વીટ કર્યુ કે, 'સુખવિંદર સિંહ સુક્ખુને હિમાચલ પ્રદેશના મુખ્યમંત્રી પદના શપથ લેવા પર ખુબ-ખુબ શુભેચ્છા. હું હિમાચલ પ્રદેશના વિકાસ માટે કેન્દ્ર તરફથી દરેક સંભવ સહયોગનું આશ્વાસન આપુ છું.'

Congratulations to Shri Sukhwinder Singh Sukhu Ji on taking oath as Himachal Pradesh CM. I assure all possible cooperation from the Centre to further the development of Himachal Pradesh.

— Narendra Modi (@narendramodi) December 11, 2022

કોંગ્રેસે જીતી છે 40 સીટો
તાજેતરમાં પૂર્ણ થયેલી હિમાચલ પ્રદેશ વિધાનસભા ચૂંટણીમાં કોંગ્રેસે 68માંથી 40 બેઠકો જીતીને બહુમતી મેળવી છે. ભાજપે 25 બેઠકો જીતી હતી જ્યારે અપક્ષ ઉમેદવારોએ 3 બેઠકો જીતી હતી. રવિવારે હિમાચલના ગવર્નર આરવી આર્લેકરે સુખવિંદર સિંહ સુક્ખુને સીએમ અને મુકેશ અગ્નિહોત્રીને ડેપ્યુટી સીએમ પદના શપથ લેવડાવ્યા હતા.

આ પણ વાંચોઃ MCD અને ગુજરાત બાદ હવે 2024 પર AAPની નજર, 18 ડિસેમ્બરે બોલાવી નેશનલ કાઉન્સિલની બેઠક

શપથ સમારોહમાં પહોંચ્યા હતા આ દિગ્ગજ નેતા
કોંગ્રેસ અધ્યક્ષ મલ્લિકાર્જુન ખડગે, કોંગ્રેસ સાંસદ રાહુલ ગાંધી, કોંગ્રેસ મહાસચિવ પ્રિયંકા ગાંધી વાડ્રા, છત્તીસગઢના મુખ્યમંત્રી ભૂપેશ બધેલ, રાજસ્થાનના મુખ્યમંત્રી અશોક ગેહલોત શપથ ગ્રહણ સમારોહમાં સામેલ થયા હતા. આ સિવાય પૂર્વ કેન્દ્રીય મંત્રી આનંદ શર્મા, હરિયાણાના પૂર્વ મુખ્યમંત્રી ભૂપેન્દ્ર સિંહ હુડ્ડા, હિમાચલ પ્રદેસના કોંગ્રેસ પ્રભારી રાજીવ શુક્લા, પ્રતિભા સિંહ અને સચિન પાયલટ હાજર રહ્યા હતા. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube