)
PM Narendra Modi hugs to Shami: અમદાવાદના નરેન્દ્ર મોદી સ્ટેડિયમમાં ICC ODI વર્લ્ડ કપ 2023ની ફાઇનલ મેચમાં ભારતને હારનો સામનો કરવો પડ્યો હતો. ઓસ્ટ્રેલિયાએ ભારતને 6 વિકેટે હરાવીને 140 કરોડ લોકોનું સપનું તોડી નાખ્યું અને છઠ્ઠી વખત વર્લ્ડ ચેમ્પિયનનો ખિતાબ જીત્યો. સમગ્ર વિશ્વ કપમાં ભારતીય બોલરોએ શાનદાર પ્રદર્શન કર્યું હતું, પરંતુ ફાઈનલ મેચમાં ટીમ સારૂ પ્રદર્શન કરી શકી ન હતી. જો કે મોહમ્મદ શમી અને જસપ્રિત બુમરાહની જોડીએ સારી શરૂઆત અપાવી હતી, પરંતુ ત્રણ વિકેટ પડ્યા બાદ ટ્રેવિસ હેડે એકલા હાથે ભારત પાસેથી જીત છીનવી લીધી હતી.
ભારતની હાર બાદ ટીમ ઈન્ડિયાના ખેલાડીઓ ભાવુક જોવા મળ્યા હતા. ખેલાડીઓ એકબીજાને પ્રોત્સાહિત કરતા જોવા મળ્યા હતા. જ્યાં પીએમ મોદી પોતે મેચ જોવા સ્ટેડિયમ પહોંચ્યા હતા અને ટીમ ઈન્ડિયાની હાર બાદ પીએમ ભારતના ડ્રેસિંગ રૂમમાં ગયા હતા અને ખેલાડીઓને પ્રોત્સાહિત કર્યા હતા. મોહમ્મદ શમીએ એક ફોટો ટ્વીટ કર્યો છે.
મોહમ્મદ શમીએ પીએમ નરેન્દ્ર મોદીના આભાર સાથે પીએમ મોદી સાથેનો ફોટો શેર કરતા લખ્યું, "દુર્ભાગ્યવશ ગઈકાલનો દિવસ અમારો ન હતો. હું સમગ્ર ટૂર્નામેન્ટ દરમિયાન અમારી ટીમ અને મને સપોર્ટ કરવા માટે તમામ ભારતીયોનો આભાર માનું છું. PM નરેન્દ્ર મોદીનો આભાર. ખાસ કરીને ડ્રેસિંગ રૂમમાં આવવા બદલ." અને અમારો ઉત્સાહ વધારવા માટે. અમે પાછા આવીશું!"
જો મેચની વાત કરીએ તો ઓસ્ટ્રેલિયાએ ટોસ જીતીને પહેલા બોલિંગ કરવાનો નિર્ણય કર્યો હતો. કેએલ રાહુલ અને વિરાટ કોહલીની અડધી સદીના આધારે ટીમ ઈન્ડિયાએ 50 ઓવરમાં 240 રન બનાવ્યા અને ઓસ્ટ્રેલિયાને જીતવા માટે 241 રનનો ટાર્ગેટ આપ્યો. જવાબમાં ઓસ્ટ્રેલિયાએ ટ્રેવિસ હેડની સદીની મદદથી 6 વિકેટે મેચ જીતી લીધી હતી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
