પટનાઃ દરેક છાત્ર માટે સૌથી અગત્યની બોર્ડની પરીક્ષા હોય છે. એ માટે તેઓ તનતોડ મહેનત કરતા હોય છે પણ કેટલાક ઠોઠ પરીક્ષામાં મહેનત કર્યા વિના પાસ થવા માગે છે એટલે અવનવા નુસખાઓ અજમાવતા હોય છે. આવા જ કેટલાક કિસ્સાઓ વાયરલ થયા છે. બિહારના 12મા ધોરણના વિદ્યાર્થીઓએ શિક્ષકોને ઉત્તરવહીમાં પાસ કરવા માટે વિનંતીઓ કરી છે. વિદ્યાર્થીની નકલ કરતી તસવીરો સોશિયલ મીડિયા પર ઝડપથી વાયરલ થઈ રહી છે. વિદ્યાર્થીએ આન્સરશીટમાં લખ્યું છે કે તેના પિતાનું અવસાન થયું હતું, જેના કારણે તેને ભણવાનો સમય ન મળ્યો અને શિક્ષકને પાસ કરવા વિનંતી કરી. આ સાથે વિદ્યાર્થીએ એક સવાલના જવાબમાં પ્રેમ પ્રકરણ લખ્યું છે, જેને વાંચીને બધા આશ્ચર્યચકિત થઈ ગયા છે.
છાત્રોની આન્સશીટ જોઈને શિક્ષકો હેરાન
બિહારના જમુઈમાં બે કેન્દ્રો પર ઇન્ટર પરીક્ષાનું મૂલ્યાંકન કરવામાં આવી રહ્યું હતું ત્યારે પણ એક વિદ્યાર્થીની કોપી સામે આવી અને શિક્ષકોએ અલગ વિષય પર લખાયેલી બાબતો જોવા મળી હતી. છાત્રએ પેપરમાં જવાબ આપવાને બદલે પરિસ્થિતિનું વર્ણન કરતાં લખ્યું કે મારા માટે આ કહેવું ખૂબ જ મહત્વપૂર્ણ છે, "હું જાણું છું કે તમે બધા મારી વાત પર વિશ્વાસ નહીં કરો, સાહેબ, મારા પિતાનું અવસાન થયું છે, દસ દિવસ થયા છે અને મારાથી અભ્યાસ થયો નથી. મારી તબિયત સારી નથી, છતાં હું પરીક્ષા આપવા આવ્યો છું. પ્લીઝ સર, મને નંબર આપી દેજો, પ્લીઝ સર, મારી હાલત બહુ ખરાબ છે, મને આશા છે કે સર તમે સમજી શકશો.
આ પણ વાંચો- ખેતરમાં ડબલું લઈને ગયેલી દુલ્હન દાગીના લઈ ફરાર! મોટીએ કાંડ કર્યો, નાની બહેનને મોકલો
આન્સરશીટમાં પ્રેમ પ્રકરણ લખ્યું
એક છોકરીની કોપીમાં આ બધું લખેલું જોઈને બધા ચોંકી ગયા. આ ઉપરાંત વિજ્ઞાનના પેપરમાં પ્રશ્નના જવાબમાં વિદ્યાર્થીએ પ્રેમ વિશેના શબ્દો લખ્યા છે. પ્રશ્ન એ હતો કે ઓમિય અને નોન-ઓમિય તત્વો શું છે. જેના જવાબમાં સ્ટુડન્ટે લખ્યું કે આપણે જાણીએ છીએ કે પ્રેમ જલ્દી નથી થતો પરંતુ જ્યારે તે થાય છે ત્યારે તે ખૂબ જ પાવરફુલ હોય છે તેથી તેને ઓમિય કહેવામાં આવે છે. આ ઉપરાંત વિદ્યાર્થિનીએ પણ ખાતરી આપી છે કે તે ખંતથી અભ્યાસ કરશે. વિદ્યાર્થીએ લખ્યું છે કે જે પણ મારી કોપી તપાસશે, કૃપા કરીને મને ખૂબ સારા માર્ક્સ આપો, જેથી હું વધુ સાહસી છોકરી બનીશ.
માથામાં થયેલી ઈજા વિશે લખ્યું
વિદ્યાર્થિનીએ એમ પણ લખ્યું હતું કે તેના માથામાં ઈજા થઈ છે. કોપીમાં લખવામાં આવ્યું હતું કે તમને ખબર નથી કે મારા માથામાં થયેલી ઈજાને કારણે હું યોગ્ય રીતે અભ્યાસ કરી શકી નથી. આ તમામ આન્સર શિટો સોશિયલ મીડિયા પર વાયરલ થઈ રહી છે. છાત્રોના બોર્ડના પેપરમાં છાત્રો દ્વારા પરીક્ષામાં પાસ કરવા માટે લખાયેલી વિનંતીઓ શિક્ષકોએ વાયરલ કરી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે