પાલઘરમાં સાધુઓની હત્યા મામલે અનિલ દેશમુખે કહ્યું -'101 આરોપીઓમાં કોઈ મુસ્લિમ નથી'

પાલઘરની ઘટના પર મહારાષ્ટ્રના ગૃહમંત્રી અનિલ દેશમુખે કહ્યું કે CIDના એક વિશેષ IG સ્તરના અધિકારી આ મામલે તપાસ કરી રહ્યાં છે. પોલીસે અપરાધના 8 કલાકની અંદર 101 લોકોની ધરપકડ કરી હતી. અમે આજે વ્હોટ્સએપ દ્વારા આરોપીઓના નામ બહાર પાડી રહ્યાં છીએ. આ સૂચિમાં કોઈ પણ મુસ્લિમ નથી. 

તેમણે સ્પષ્ટ કર્યું કે વીડિયોમાં એક અવાજ સંભળાયો છે 'ઓયે બસ', લોકોએ તેને ઓનલાઈન પ્રસારિત કર્યો અને કેટલાક લોકોએ તેને 'શોએબ બસ' કહ્યું. રાજ્યનું આખુ વહિવટીતંત્ર મહામારી સામે લડી રહ્યું છે અને કેટલાક લોકોએ આ મામલાને સાંપ્રદાયિક બનાવવાની કોશિશ કરી. 

There was a sound heard in the video 'Oye Bas', people circulated it online and some called it 'Shoeb Bas'. All state mechanism is fighting the pandemic & some people tried to bring communal angle in this matter: Maharashtra Home Minister Anil Deshmukh on Palghar incident https://t.co/0S1RTsByMJ

— ANI (@ANI) April 22, 2020

આ બાજુ પાલઘરમાં હચમચાવી નાખનારી આ ઘટના અંગે રાષ્ટ્રીય માનવાધિકાર આયોગે મહારાષ્ટ્ર પોલીસના ડીજીપીને નોટિસ ફટકારીને 4 અઠવાડિયાની અંદર ઘટનાનો વિસ્તૃત રિપોર્ટ આપવા જણાવ્યું છે. શું કાર્યવાહી કરાઈ અને કેટલી સહાયતા અપાઈ, તેની પણ જાણકારી માંગવામાં આવી છે. 

અત્રે જણાવવાનું કે આ અગાઉ ઉદ્ધવ ઠાકરે પણ કહી ચૂક્યા છે કે આ મામલાને કોઈ ધાર્મિક રંગ આપવાની કોશિશ ન કરે. ગેરસમજમાં સાધુઓ પર હુમલો થયો. ઠાકરેએ સોમવારે કહ્યું કે જે પણ લોકો આ સમગ્ર મામલે ગેરસમજ ફેલાવવાની કોશિશ કરી રહ્યાં છે તેઓ એવું ન કરે.  તેમણે કહ્યું હતું કે આ સમગ્ર ઘટનાને લઈને મારી ગૃહમંત્રી અમિત શાહ સાથે વાત થઈ છે. આ મામલે યુપીના મુખ્યમંત્રી યોગી આદિત્યનાથ સાથે પણ વાત થઈ છે. ઉદ્ધવ ઠાકરેએ કહ્યું કે ગૃહમંત્રીએ મારા પર ભરોસો જતાવ્યો છે. તેમણે કહ્યું કે જે રીતે તમે કોરોના સામે લડી રહ્યા છો તે જ રીતે ગુંડાઓ સામે પણ લડો.