નવી દિલ્હીઃ મહારાષ્ટ્ર વિધાનસભા ચૂંટણીના ઘોષણાપત્રમાં ભાજપે સ્વસંત્રતા સેનાની વીર સાવરકરને (Veer Savarkar) ભારત રત્ન સન્માન (Bharat Ratna) આપવાનું વચન આપ્યું હતું. લોકસભામાં (Loksabha) આ સંબંધમાં પૂછાયેલા એક સવાલ પર સરકારે (Goverament) પોતાની પ્રતિક્રિયા આપી છે. ગૃહ મંત્રાલયે ગૃહમાં આવેલી જાણકારીમાં વીર સાવરકરને ભારત રત્ન આપવાને લઈને સ્પષ્ટ રીતે કશું ન કહ્યું, પરંતુ તે સ્પષ્ટ કર્યું કે, તેના માટે કોઈ ભલામણની જરૂર નથી. મંત્રાલયે કહ્યું, 'ભારત રત્ન સન્માન માટે અલગ-અલગ વર્ગો તરફથી હંમેશા ભલામણો આવતી રહે છે, પરંતુ તેના માટે કોઈ ઔપરાચિક ભલામણની જરૂર રહેતી નથી. ભારત રત્નને લઈને સમય-સમય પર નિર્ણય થતાં રહે છે.'
મહત્વનું છે કે ભારત રત્ન દેશનો સર્વોચ્ચ નાગરિત પુરસ્કાર છે અને દર વર્ષે વડાપ્રધાન રાષ્ટ્રપતિને તેના માટે ભલામણ કરે છે. મહારાષ્ટ્રમાં ચૂંટણી પ્રચાર દરમિયાન ભાજપે જાહેરાત કરી હતી કે સત્તામાં આવ્યા બાદ તે વીર સાવરકરના નામની ભલામણ ભારત રત્ન માટે કરશે. પરંતુ શિવસેના અલગ થવાને કારણે મહારાષ્ટ્રમાં ભાજપ સરકાર બનાવી શક્યું નથી.
હિંદુત્વ પર પોતાના વિચારો માટે ચર્ચિત રહેલા ક્રાંતિકારી વિનાયક દામોદર સાવરકર હિંદુ મહાસભા સાથે જોડાયેલા હતા. મહારાષ્ટ્રમાં વીર સાવરકરનું નામ આદરથી લેવામાં આવે છે. ખાસ કરીને હિંદુત્વની વિચારધારાથી જોડાયેલા રાજકીય અને સામાજીક દળ સાવરકરને પોતાનો આદર્શ માનતા રહ્યાં છે.
સાવરકરના પૌત્રએ કહ્યું, ઈન્દિરા ગાંધી હતી અનુયાયી
સાવરકરના પૌત્ર રંજીતે શુક્રવારે દાવો કર્યો હતો કે ઈન્દિરા ગાંધી પણ સાવરકરની સમર્થક હતી. તેમણે કહ્યું, 'ઈન્દિરા પાકિસ્તાનને ઘુંટણા ટેકવ્યા, સેના અને કુટનીતિક સંબંધોને મજબૂત કર્યાં, પરમાણુ પરિક્ષણ કરાવ્યું. આ તમામ વાતો નેહરૂ અને ગાંધીની વિચારધારાથી અલગ હતી.'
લેટેસ્ટ ન્યૂઝ જાણો, જુઓ LIVE TV
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાવો : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે