UIDAIની સ્પષ્ટતા: ટ્રાઇ ચેરમેનના આધાર ડેટાબેઝથી કોઇ માહિતી નથી થઇ લીક

UIDAIએ કહ્યું કે, આર.એસ શર્મા દશકોથી અધિકારી છે અને  તે અંગે આ તમામ માહિતી ગુગલ પર અને અન્ય વેબસાઇટ પર સરળતાથી ઉપલબ્ધ છે. તેની સાથે જ આધારે આ દાવાને ફગાવી દીધો કે આરએસ શર્માની અંગત માહિતી આધાર દ્વારા પ્રાપ્ત કરી લેવામાં આવી.

એક વરિષ્ઠ સરકારી અધિકારીએ જણાવ્યું કે, આધાર નંબરનો ઉપયોગ કરીને અથવા યુઆઇડીએઆઇની વેબસાઇટથી કોઇ માહિતી પ્રાપ્ત નથી કરવામાં આવી. તેણે બસ ગુગલ કર્યું અને આ માહિતી પ્રાપ્ત કરી લીધી. આ આધાર વિરોધીઓ દ્વારા સસ્તી લોકપ્રિયતા માટે ફેલાવાયેલ એક ફેક ન્યુઝ છે. આધારનો ડેટાબેઝ સંપુર્ણ સુરક્ષીત છે. 

આરએસ શર્માએ શુક્રવારે એક ટ્વીટ કરીને પોતાનો આધાર નંબર જાહેર કર્યો હતો અને પોતાનાં આલોચકોને પડકાર ફેંક્યો કે તેઓ જણાવે કે આધાર નંબર જાહેર થવાથી શું નુકસાન થઇ શકે છે. તેઓ તેમને નુકસાન પહોંચાડીને દેખાડે. થોડા દિવસ પહેલા શર્માએ એક ઇન્ટરવ્યુમાં જણાવ્યું હતું કે, માત્ર આધાર નંબર પ્રાપ્ત કરવાથી કોઇ નુકસાન થઇ શકે નહી. જો તમે ઇચ્છો તો હું મારો પોતાનો આધાર નંબર તમને  આપી શકું છું. તેના આલોચકોનું કહેવું છે કે આધાર નંબર જાહેર થવાના પોતાના જોખમ છે અને તેનો ઇન્કાર કરવામાં આવી શકે નહી.