સરકારનાં આશ્વાસનથી સંતુષ્ટ નથી, પ્રદર્શન ચાલુ જ રહેશે: BKU અધ્યક્ષ

દિલ્હી -ઉત્તરપ્રદેશની સીમા પર પ્રદર્શનકર્તા ખેડૂતોને મળ્યા બાદ કેન્દ્રીય કૃષી રાજ્યમંત્રી ગજેન્દ્ર સિંહ શેખાવતે કહ્યું કે, સરકાર ખેડૂતોની વાતને આગળ વધારવા માટેનો નિર્ણય અપાવી રહ્યા છે. તેમણે કહ્યું કે, એનજીટીનાં આ આદેશ મુદ્દે કોર્ટમાં જશે કે 10 વર્ષથી જુના ટ્રેક્ટરો અને વાહનો પર પ્રતિબંધ લાગવો જોઇએ. 

ખેતીહર મજદુરના સંબંધોમાં ખેડૂતની સમસ્યા અંગે મંત્રીએ કહ્યું કે, સરકાર આ સમસ્યાના સમાધાન માટે ગ્રામણી વિસ્તારની દ્રષ્ટીએ લઘુત્તમ નિયમોમાં કેટલાક પરિવર્તન લાવવા અંગે વિચાર કરશે. 

શેખાવતે કહ્યું કે, સરકારે ખેતમજુરના મુદ્દે વિચાર માટે છ મુખ્યમંત્રીઓની સમિતી બનાવી છે. સમિતી મનરેગાને ખેતી સાથે જોડવા અંગે વાતચીત કરી રહ્યા છે. તેમણે ખેડૂતોને કહ્યું કે, કેન્દ્રીય ગૃહમંત્રી રાજનાથસિંહની તરફથી હું તમને વિશ્વાસમાં લેવા માંગુ છું કે હું આ સમિતિમાં ખેડૂતોનાં હિતોની વાત કરીશ અને મનરેગાને ખેતી સાથે જોડવા માટે પરિવર્તન જરૂર થશે. જો કે પ્રદર્શનકર્તા ખેડૂતોએ દિલ્હી સીમા પર જ ડેરા તંબુ તાણી લીધા છે. પોલીસે તેમને ત્યાં જ રોકી લીધા છે અને રાષ્ટ્રીય રાજધાનીમાં નથી આવવા દેવાઇ રહ્યા.