મિઝોરમ વિધાનસભા ચૂંટણી પરિણામ: 26 સીટો પર MNF એ જીત નોંધાવી, બનાવશે સરકાર

મિઝોરમ વિધાનસભા ચૂંટણી (Mizoram Elections 2018) માં 40 સીટો માટે મતગણતરી પુરી થઇ ગઇ છે. જેમ કે ઇતિહાસ રહ્યો છે કે કોઇપણ પાર્ટી 10 વર્ષથી વધુ સત્તામાં રહી શકી નથી. તે ઇતિહાસને પુનરાવર્તિત કરતાં કોંગ્રેસને સત્તામાંથી દૂર કરી છે. મિઝોરમના મુખ્યમંત્રી અને કોંગ્રેસના ઉમેદવાર લાલ થનહવલા ચંપઇ દક્ષિણ સીટ અને સર્છિપ સીટ પરથી પણ હારી ગયા છે. એમએનએફએ 26 સીટો પર જીત નોંધાવી છે. ત્યારે કોંગ્રેસને માત્ર 5 બેઠકો પર જીત મળી છે. તો બીજી બાજુ ભાજપે પ્રથમ વાર મિઝોરમમાં ખાતુ ખોલાવતા તેને માત્ર 1 બેઠકથી સંતોષ માનવો પડ્યો છે. જ્યારે અન્યના ખાતામાં 8 સીટો આવી છે.