બુલઢાણામાં મધરાતે મોટી દુર્ઘટના, બસમાં 26 મુસાફરો જીવતા ભૂંજાયા, ટાયર ફાટ્યા બાદ પલટી ગઈ હતી ગાડી

બસમાં સવાર 26 લોકોના મોત
બુલઢાણાના ડેપ્યુટી એસપી બાબુરાવ મહામુનિએ કહ્યું કે  બુલઢાણામાં સમૃદ્ધિ એક્સપ્રેસવે પર 33 મુસાફરોને લઈને જઈ રહેલી બસમાં આગ લાગવાથી ઓછામાં ઓછા 26 લોકોના મોત નિપજ્યા છે. જ્યારે અનેક લોકો ઘાયલ થયા છે. ઘાયલોને બુલઢાણાની સિવિલ હોસ્પિટલમાં સારવાર માટે ખસેડાઈ રહ્યા છે. 

#UPDATE | The death toll in Buldhana bus accident rises to 26: Buldhana ADM

— ANI (@ANI) July 1, 2023

કઈ રીતે ઘટી આટલી ભયંકર ઘટના
બુલઢાણા એસપી સુનિલ કડાસેન્ને કહ્યું કે દુર્ઘટના મધરાતે લગભગ દોઢ વાગે ઘટી. ઘટના સમયે બસમાં 32 મુસાફરો હતા. તેમાંથી 26 મુસાફરોએ જીવ ગુમાવ્યા. આ અકસ્માતમાં 8 લોકો ગંભીર રીતે  ઘાયલ થયા છે. તેમણે એમ પણ કહ્યું કે બસનું ટાયર ફાટવાના કારણે બસ પલટી ગઈ. ત્યારબાદ બસના ડ્રાઈવરે બસ  પર કાબૂ ગુમાવી દીધો. અને બસ એક થાંભલા સાથે અથડાઈ. ત્યારબાદ એક ડિવાઈડર સાથે ટકરાઈ જેના કારણે તેમાં આગ લાગી ગઈ. લોકોને બસમાંથી બહાર કાઢવાની તક ન મળી. યેન કેન પ્રકારે કેટલાક લોકો જ બસમાંથી બહાર નીકળી શક્યા. 

#WATCH | Maharashtra: Visuals from Buldhana Civil Hospital where injured patients have been admitted.

26 people died and 8 people sustained injuries after a bus carrying 33 passengers burst into flames on Samruddhi Mahamarg expressway in Buldhana. pic.twitter.com/AdYnNSHvil

— ANI (@ANI) July 1, 2023

મળતી માહિતી મુજબ બસનો ડ્રાઈવર સુરક્ષિત છે. અકસ્માતના કારણે હાલ વાહનવ્યવહાર ખોરવાયો છે. ટ્રાફિક પોલીસ જલદી એક્સપ્રેસ વેને ફરીથી શરૂ કરવાની કોશિશ કરી રહી છે. આ બસ ખાનગી બસ કંપની સિટી લિંક ટ્રાવેલ્સની હોવાનું કહેવાય છે. બસ નાગપુરથી પુણે જઈ રહી હતી. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube