મહારાષ્ટ્ર વિધાનસભા ચૂંટણી-2019 : જાણો કયા દિગ્ગજનો થયો વિજય અને કોનો પરાજય

સાંજે 5 વાગ્યાના આંકડા અનુસાર ભાજપ-શિવસેના ગઠબંધનને મહારાષ્ટ્રમાં સ્પષ્ટ બહુમત મળી રહ્યો છે. જોકે, શિવસેનાએ 2014 કરતાં સારું પ્રદર્શન કરતાં તે ભાજપ પર દબાણ બનાવે એવું હાલ દેખાઈ રહ્યું છે. મહારાષ્ટ્રના દિગ્ગજ નેતા ગોપીનાથ મુંડેની સુપુત્રી પંકજા મુંડેનો પારલી સીટ પર પરાજય થયો છે. પંકજાને તેના જ પિતરાઈ ભાઈ એનસીપીના ધનંજય મુંડેએ હરાવી છે. ઠાકરે પરિવારના સભ્ય તરીકે પ્રથમ વખત ચૂંટણી લડી રહેલા આદિત્ય ઠાકરેનો મુંબઈની વર્લી સીટ પર વિજય થયો છે. રાજ્યના વર્તમાન મુખ્યમંત્રી દેવેન્દ્ર ફડણવીસનો પણ નાગપુર દક્ષિણ પશ્ચિમ બેઠક પર વિજય થયો છે.

Updated: Oct 24, 2019, 05:13 PM IST

મુંબઈઃ મહારાષ્ટ્ર વિધાનસભા ચૂંટણીમાં ભાજપ અત્યારે કુલ 101 બેઠક પર આગળ છે, જેમાંથી 35માં તેનો વિજય થઈ ગોય છે. શિવસેના કુલ 58 બેઠકો સાથે આગળ છે, જેમાંથી 24 બેઠકો પર શિવસેનાનો વિજય થઈ ગયો છે. શરદ પવારની રાષ્ટ્રવાદી કોંગ્રેસ પાર્ટી (NCP) કુલ 53 બેઠક પર આગળ છે અને 18 બેઠક પર તેના ઉમેદવારો વિજયી જાહેર થઈ ચુક્યા છે. કોંગ્રેસ કુલ 45 બેઠક પર આગળ ચાલી રહી છે અને તેમાંથી તેના 16 ઉમેદવાર વિજેતા જાહેર થઈ ચૂક્યા છે.

આમ, સાંજે 5 વાગ્યાના આંકડા અનુસાર ભાજપ-શિવસેના ગઠબંધનને મહારાષ્ટ્રમાં સ્પષ્ટ બહુમત મળી રહ્યો છે. જોકે, શિવસેનાએ 2014 કરતાં સારું પ્રદર્શન કરતાં તે ભાજપ પર દબાણ બનાવે એવું હાલ દેખાઈ રહ્યું છે. મહારાષ્ટ્રના દિગ્ગજ નેતા ગોપીનાથ મુંડેની સુપુત્રી પંકજા મુંડેનો પારલી સીટ પર પરાજય થયો છે. પંકજાને તેના જ પિતરાઈ ભાઈ એનસીપીના ધનંજય મુંડેએ હરાવી છે. ઠાકરે પરિવારના સભ્ય તરીકે પ્રથમ વખત ચૂંટણી લડી રહેલા આદિત્ય ઠાકરેનો મુંબઈની વર્લી સીટ પર વિજય થયો છે. રાજ્યના વર્તમાન મુખ્યમંત્રી દેવેન્દ્ર ફડણવીસનો પણ નાગપુર દક્ષિણ પશ્ચિમ બેઠક પર વિજય થયો છે.

હરિયાણા વિધાનસભા ચૂંટણી-2019 : જાણો કયા દિગ્ગજનો થયો વિજય અને કોનો પરાજય

મહારાષ્ટ્રના દિગ્ગજ નેતાઓ જેમનો થયો વિજય કે આગળ ચાલી રહ્યા છે....