નવી દિલ્હી: ઉત્તર પ્રદેશના મેરઠમાં પોલીસ દ્વારા કિન્નરોની મારપીટનો મામલો સામે આવ્યો છે. પોલીસે કિન્નરો પર લાઠીચાર્જ કર્યો. તેનો વીડિયો હાલ વાઈરલ થઈ રહ્યો છે. જેમાં કિન્નરો ભાગી રહ્યાં છે અને છોડી દેવાની ગુહાર લગાવી રહ્યાં છે. આમ છતાં તેમને પીટવામાં આવે છે.
આ મામલો યુપીના મેરઠ જિલ્લાના લાલકુર્તી પોલીસ સ્ટેશનનો છે. કહેવાય છે કે પોલીસ કિન્નરોને પોલીસ સ્ટેશન લાવી હતી. તેમના પર અભદ્રતાનો આરોપ હતો. પોલીસનું કહેવું હતું કે કિન્નરોએ પોલીસ સ્ટેશનમાં અભદ્રતા કરી હતી. જેના કારણે તેમને કાબુમાં લેવા માટે લાઠીચાર્જ કરવામાં આવ્યો. મેરઠના એસએસપીનું કહેવું છે કે કિન્નરો અભદ્રતા કરી રહ્યાં હતાં., તેમને કાબુમાં કરવા માટે આમ કરવામાં આવ્યું. પરંતુ જો તે જરૂરિયાત કરતા વધુ થયું હશે તો મામલાની તપાસ થશે.
#WATCH: Transgenders lathi charged by police allegedly after they created ruckus in Lalkurti police station,Meerut today. SSP says,'things have come to the fore,transgenders misbehaved,but force was used to control them. If force used was more than required,probe to be conducted' pic.twitter.com/3Fq4gl8EoX
— ANI UP (@ANINewsUP) June 10, 2019
વાઈરલ થઈ રહેલા વીડિયોમાં જોવા મળે છે કે કિન્નર પોતાની જાતને બચાવવા માટે આમ તેમ દોડી રહ્યાં છે. તેમને કપડા અસ્તવ્યસ્ત છે. આમ છતાં તેમના પર લાઠીઓ વરસાવવામાં આવી રહી છે. તેમના પર લાત અને ઘૂંસા પણ ચલાવવામાં આવ્યાં. લોકોનું કહેવું છે કે આ તો સ્પષ્ટપણે પોલીસની દબંગાઈ છે.
દેશના વધુ સમાચારો વાંચવા માટે કરો ક્લિક...
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે